5 - Scoláirí mar Acmhainní dá Chéile

Scoláirí mar Acmhainní dá Chéile

Scoláirí a ghníomhachtú le haghaidh piarmheasúnaithe

Ligeann piarmheasúnú sa seomra NTI do scoláirí a fheiceáil go hoibiachtúil cén chuma a bhíonn ar an bhfoghlaim agus léargas luachmhar á fháil acu ar a gcuid foghlama féin. Nuair a oibríonn scoláirí i gcomhar le chéile, bíonn deiseanna méadaithe acu maidir le húsáid sprioctheanga.

Cad é?

Mar sin, cén chuma atá air seo sa seomra NTI?

Seo thíos roinnt straitéisí a d'fhéadfadh do chuid smaointeoireachta a spreagadh.

Siúlóid an Phúca

• Taispeánann na scoláirí a gcuid oibre timpeall an tseomra.
• Breathnaíonn gach scoláire ar an obair.
• Ansin cuireann scoláirí aiseolas ar fáil bunaithe ar chritéir ratha.

Róil le haghaidh Comhoibrithe

• Sannann an múinteoir róil do scoláirí le linn gníomhaíochtaí comhoibríocha.
• D'fhéadfadh róil mholta a bheith ann: tuairisceoir, cláraitheoir, tasc-mháistir agus maor ama.
• Cinntíonn sé sin aiseolas níos éifeachtaí agus idirghníomhaíochtaí fiúntacha.

Mata Boird

• Úsáideann gach beirt nó grúpa mata boird.
• Cuirtear an príomhsmaoineamh sa lár.
• Cuireann gach scoláire a gcuid smaointe ina rannóg den mhata.
• Tá sé seo úsáideach chun ransú smaointe a dhéanamh ar théamaí agus smaointe a chomhroinnt.

An bhfuil cineálacha cuir chuige eile ann a úsáideann tú?

Cad é anois?

• Conas is féidir liom leas a bhaint as critéir ratha chun soiléireacht a chinntiú nuair a oibríonn scoláirí ina n-aonar nó i gcomhar?
• Cé chomh minic is a thabharfaidh mé deiseanna do scoláirí obair a chruthú agus a chomhroinnt le haghaidh piarmheasúnaithe?
• Cad iad na tacaí atá i bhfeidhm chun cabhrú le grúpobair éifeachtach?
• Conas is féidir liom treoir, cabhair a thabhairt i leith fhoghlaim na scoláirí agus monatóireacht a dhéanamh uirthi agus iad ag comhoibriú?
• An bhfuil cuir chuige ann maidir le piarmheasúnú a roinnfinn le mo roinn NTI?