Visita Museo do Prado

INTRODUCIÓN

Museo do Prado

VISITA

Que pensabades, que iades estar na casa todo o día sen moverse de diante da pantallita??

Hoxe, imos de excursión a Madrid, a visitar o Museo do Prado. Xa vos estou vendo, non, non é un edificio no medio dun prado, é un Museo que se levantou no medio dun xardín polo que paseaban os reis de España. Nun primeiro momento foi concibido como un “Gabinete de Ciencias Naturais”. O Rey Carlos III, un Rei ao que lle gustaba moito o “tema da construción”, edificios, estradas, fontes, portas, etc... Encargoulle o proxecto a un gran arquitecto madrileño, Juan de Villanueva, e o resultado é o que podemos ver hoxe...

Antes de comezar

- Busca información deste Carlos III: quen era, cantos anos foi Rei de España, cando foi nomeado, foi Rei dalgún outro sitio e cales eran as súas afeccións. (Con dez liñas é dabondo). - Que será un gabinete de ciencias naturais. O Museo do Prado é un dos Museos máis importantes do mundo, do que dixo un dos seus directores, D. Alfonso Pérez Sánchez: “representa aos ollos do mundo o máis significativo da nosa cultura e o máis brillante e perdurable da nosa historia”. Nel consérvanse as pinturas máis importantes do arte europeo dende os séculos XVI ao XIX.

Por que sala queres comezar?

Quen sería este Francisco de Goya e Lucientes? Cal é a súa obra máis representativa? Parece que tiña moi mal xenio, fixádevos no seu entrecello. Polo visto levábase moi mal coa raíña María Luisa, fixádevos no cadro da familia de Carlos IV como a representou!

Pintura flamenca

Nesta sala, atoparedes a dous artitas de épocas ben distintas. Un pertence ao Renacemento e o outro ao Barroco. A obra renacentista chámase o "Xardín das Delicias": tres pinturas diferentes que forman unha única obra de arte, realizada por "El Bosco" e non, o nome non está relacionado cun bosque nin nada do estilo... era unha forma maís doada de dicir o seu nome no noso idioma. A obra barroca é chamada "As tres Gracias," realizada por Pedro Pablo Rubens. Se ten nome español, porqué se di que pertence á Pintura Flamenca e non á Española?

Pintura Italiana

Nesta sala imos coñecer dúas obras de grandes artistas da escola veneciana. Quenes serían estes apelidados Tintoretto e Tiziano? Coñecías algo deles antes?

Pintura Española

Nesta sala, ides coñecer a dous dos máis grandes artistas da nosa cultura, así como outros moi salientables do Século de Ouro, non, nesa época non había ouro por todas partes.... pero, sabedes a que se refire esa expresión?

Pintura alemá

Alberto Durero é o artista máis famoso do Renacemento alemán, coñecido en todo o mundo polas súas pinturas, debuxos, gravados e escritos teóricos sobre a arte. Pinchando na imaxe ides descubir un dos seus máis famosos autorretratos...

SAÍDA

Chegamos ao final da nosa visita polo Museo do Prado, espero que vos gustara.

Visita creada por Mariña Sánchez Sánchez

Pintura española

Francisco de Goya

Quen sería este Francisco de Goya e Lucientes? Parece que tiña moi mal xenio, fixádevos no seu entrecello. Polo visto levábase moi mal coa raíña María Luisa, fixádevos no cadro da familia de Carlos IV como a representou!

Diego de Velazquez

Quen sería ese apelidado Velázquez? Dise que era capaz de pintar a atmosfera, eu non o creo capaz... Nunha das súas obras, un Cristo, dise que pintou a metade da súa cara tan ben que non se atreveu a pintar a outra metade.

Bartolomé Esteban Murillo

"La Sagrada Familia del pajarito" é unha das obras máis importantes de toda a producción de Murillo. Sabedes que representan esas tres figuras que aparecen no cadro?

El Greco

"El Greco" é un pintor de orixe grega, que se mudou a España cando tiña aproximadamente 36 anos. Principalmente dedicouse a decorar os murais de grandes igrexas e catedrais da cidade de Toledo, a máis importante daquela. A obra que imos ver agora é un dos retratos máis importantes deste artista.

"Autorretrato", Durero

Escoitar

"La sagrada familia del pajarillo", Murillo

"El Jardín de las delicias" El Bosco

"Las tres gracias" de Rubens

"La Familia de Carlos IV"

Escoitar

"El 2 de mayo de 1808"

"El 3 de mayo en Madrid"

Cronos devorando aos seus fillos

Escoitar

"El caballero en la mano en el pecho" por El Greco

Escoitar

"Las Meninas"

"La Fragua de Vulcano"

"Carlos V en la batalla de Mühlber", Tiziano

Escoitar

"El lavatorio", Tintoretto

Escoitar