14. Newsletterra

Konplexutasunaren kudeaketa 14. Newsletterra

Buletinaren data: 2025-05-06

HASI

Dokumentuen zerrenda

LIDERGOAren formakuntza eta garapena

Porrotaren/Akatsaren/Hanka sartzearen ikasketa

Aldaketaren lidergoa eta belaunaldi arteko lankidetza

Aginte taula integratuaren automatizazioa eta digitalizazioa

LIDERGOAren formakuntza eta garapena

Edozein erakundeko erabaki garrantzitsuenatako bat bere liderrak ondo aukeratzea da.

Ikerketa eta praktika askok erakutsi ohi duten bezala, talde baten eta bestearen arteko errendimendu-aldaketaren oinarrian liderrak eragiten du neurri handi batean. Hau horrela dela jakinda ere, kasu askotan, erakundeek zailtasun handiak izaten dituzte lider egokiak topatzeko. Gainera, kasu gehienetan, oso zaila egiten zaie zuzendarien lidergoa garatzea. Gure jarduera profesionalean lidergoa aztertzen eta ikertzen jarraitzen dugu. Jakin dugu lidergoaren garapenean eragina duen berezko aldagai bat dagoela, hau da, denok ez ditugula lider on bihurtzeko ahalmen berberak jaiotzaz. Baina ikasi eta garatu daitekeela ere jakin dugu. Gainera, egungo lider asko ez dira horrelako gaitasunetan trebatu, eta gehienetan ez dute lidergo on bat garatzeko behar den esperientziarik eta/edo ezagutzarik. Gure gizarteak orokorrean, gure hezkuntza sistemak, eta gure ikastetxeek ere, lider onak edota ondo prestatuta eta garatuta behar dituzte.

+ Lider Autoritarioen Aroa

LIDERGOAren formakuntza eta garapena

Aukera berri bat: Neoberri plataforma

Lidergoak behar dituen gaitasunak zerrenda luze batean identifikatu genezake, eta denak ezin dira jaiotzaz jaso, baino entrenatzeko aukera dagoela iksui denez, ikastetxeen etorkizunari aurre egiteko garrantzitsuak izan daitezkeen gutxi batzuk aipatuko ditugu:

• Ikuspegia edo besteek ikusten ez dutena ikusteko gaitasuna.
• Jakin-min aseezina, berrikuntzaren motorra izango dena.
• Ausardia edo arauak hausteko adorea.
• Egokitzeko gaitasuna edo etengabe berraasmatzea.
• Enpatia edo pertsonak ulertzea.

Ezaugarri hauek eta beste asko hobetzeko aukera izateko, Tknikak bultzatuta Neoberri plataformaren bitartez, Lanbide Heziketako ikastetxeek beraien liderrak autoebaluatu, koebaluatu eta garatzeko aukera berriak sortzen ari da. Orain arteko emaitzak hauek izan dira:

• 53 Ikastetxeek parte hartu dute.
• 315 lider ebaluatu dira.
• 564 zuzendaritzako eta 1640 lantaldeetako kideek parte hartu dute.
• Analisi hau egin ondoren, formakuntza eta garapen aukerak sortzen ari dira.

Lan asko egiten ari gara lidergoaren baitan Tknika, Lanbide Heziketako Ikastetxeak eta orokorrean Hezkuntza Sistema hobetzeko. Jarrai dezagun horrela!!!

+ Lider Sortzaile Handien Sekretuak: Mundua aldatzen duten Ezaugarriak, Estrategiak eta Irakaspenak

Porrotaren/Akatsaren/Hanka sartzearen ikasketa

Gure bizimodua hobetzeko eta berritzeko aukerak eta proposamenak pentsatu eta martxan jartzen ditugu bizitzako arlo desberdinetan. Baino gehienetan proposamen hauek garatzen hasi bezain azkar, hanka sartzeak etorri ohi dira; espero duguna eta emaitzarekin datorrena ez datoz bat gehienetan. Hala ere, bizitzak aurrera darrai eta aukera bakoitzean izandako akatsak onartzeko, beste aukera batzuk aztertzeko edota alde batera uzteko prozesuak martxan jartzen ditugu etengabe. Prozesu hauek eramateko moduak gure erresilientzia gaitasuna lantzen lagunduko digu, pertsona bezala, lan talde bezala, eta erakunde edota sistema bezala ere noski. Edozein arazo edo aukeraren aurrean sormen prozesu bat garatzen dugu eta bertako ideiak aztertu, ebaluatu eta aukeratzeko prozedurak prozesuaren zati bezala ikusi ohi ditugu. Sormenaren ondorengo hanka sartzeak kudeatzen ikasteko eta erresilientziaren gaitasuna indartzeko, hala ere azken prozedura bat indartzea proposatzen dugu testu honen ideiak azpimarratuz. Hau da, gauzak espero bezala ateratzen ez direnean galdera sorta bat prestatu aldaketak txertatzeko eta aukera berriak zehaztu edo isteko erabakia hartzeko. Berrikuntza proiektuak deialdi batera aurkeztea adibidez, ez da beti espero dena lortzen; gaur egun Lanbide Heziketako ikastetxe askok proposamen ugari egiten dituzte eta honako galdera hauek baliagarriak dira aukerak eta emaitzak hobetzeko etorkizunean:

• Zergatik jaso dugu ezekoa?
• Zer falta dugu?
• Proposamena hobetzeko aukera dugu?
• Berrriz ere aurkezteko aukera mantzen dugu?
• Aurreko prozesuarekin jarraitzeko denbora hartzeko arriskua hartu nahi dugu?

+ info

Porrotaren/Akatsaren/Hanka sartzearen ikasketa

Porrotaren onurak azpimarratzea ezinbestekoa izan daiteke beraz:

• Akatsa edo porrota ikaskuntza-iturri sakona da: Porrot bakoitzak zerbait berria irakasten digu gure usteei eta prozesuei buruz.
• Akatsek ateak irekitzen dizkiote berrikuntzari: Irtenbide sortzaileenetako asko funtzionatu ez zuena zuzentzen saiatzean sortzen dira.
• Erantzun ez-zuzenak erresilientzia sustatzen du: porrota kudeatzen ikasteak egokitzeko eta hazteko gaitasuna indartzen du.

Ikastetxearen aukerak eta arriskuak neurtzea ere ondo legoke, enpresa eta erakunde askotan proposamenak lantzeko erabiltzen duten denbora, pertsonak eta baliabideak eta lortutako emaitzen arteko konparaketa bat egin ohi dute. Adierazleak arrisku handia edo ziurgabetasuna duten berrikuntza proiektuetan ezinbestekoak dira nolabait. Baino hausnarketa hau ez doa hainbeste, alde horretatik, hau da, prozesu formalak neurtu eta zenbakiak alderatzetik; aldiz, pertsonen saiakerak eta moduak alderatzea baizik. Nola egin daitekeen proposatzen da testuan:

• Pentsamolde esperimental bat hartzea: Ideia bakoitza prototipotzat hartzen du.
• Akatsak lorpen gisa ospatzea: Porrotaren narratiba aldatzen du, arrakastarako funtsezko urrats gisa ikusiz.
• Galderen kultura sustatzea: Behin betiko erantzunak bilatu beharrean, taldeak galdera ausartak egitera animatzen ditu.
• Beste sektore batzuetatik ikastea: Berrikuntza asko gure industriatik kanpo begiratzetik sortzen dira.
• Inkubazioari denbora ematea: Ideia onenek heltzeko denbora behar dute.

Porrotaren/Akatsaren/Hanka sartzearen ikasketa

Bikaintasunean edo perfekzioan hezituta gaude, akatsaren eta hanka sartzeen beldur izan gara historikoki. Agian garaia dugu beldur eta ohitura hauek aldatu eta ohikotasunean gertatu bezala, hanka sartzeetan aukera berriak edo moldaketak egiteko gaitasunari indarra eman eta zor zaion aitormena egiteko moduak sustatzea. Ausardiak badu bere onura eboluzioan erakutsi den bezala, etsi gabeko sortzaileek eman dizkigute berrikuntza disruptiboenak. Sormen prozesuan bakardadeari, ezezkoei eta ziurgabetasunari aurre egin diotenek gizartea eta mundua aldatzeko proposamenak egin dizkiote historian. Eroriaz ikasi dugu oinez. Segi sormenaren bidea egiten…iritsiko da abanguardia eta berrikuntza.

+ Sormen-prozesuan ba al dago erantzun zuzenik?

+ Erresilientzia bazegoen historiaurrean eta betiko biziraupenaren elixirra zen.

+ Aurkitu abangoardia sortzeko formula!

Aldaketaren lidergoa eta belaunaldi arteko lankidetza

Partekatutako testuan adierazten den bezala, oro har, erosoago sentitzen gara gure antza dutenekin eta gure interesak partekatzen dituztenekin, baina arlo desberbidetan, emaitzarik nabarmenenak, askotan, ikuspegi desberdinak besarkatzean sortzen dira. Izakera eta jatorri desberdinak dituzten pertsonek osatutako taldeek, bakoitzak bere indargune eta ahuleziekin, errendimendu hobea dute eta emaitza berritzaileagoak sortzen dituzte.Ideia hau kontutan izanda, erakunde guztietako liderrek lan-giro inklusiboa eta elkarrekiko errespetuzkoa sortzeko ardura dute, taldeko kide bakoitzak konpromisoa hartu eta aurrera egin dezan. Liderrek aldaketa bilatzen dutenean batez ere, espazio inklusiboak eta pertsona desberdinak elkartu behar dituzte? Hezkuntzan, gizartean bezala, Baby Boom adintartekoak erretiratu aurretik belaunaldi desberdinen arteko lankidetza bultzatzea ezinbestekoa gertatu daiteke, ezagutza ez galdu eta era berean ezagutza eta erronka berriak aurrera eramateko

Aldaketaren lidergoa eta belaunaldi arteko lankidetza

Bertako adituak jasotakoaren arabera, belaunaldi anitzeko taldeak gidatzeko gakoak hauek izan daitezke:

• Ikuspegi desberdinak onartzea aktibo baliotsu gisa, sormena sustatzeko eta aurrerapena bultzatzeko duten ahalmena aitortuz.

• Belaunaldi-aniztasunaren indarguneak ezagutzea, talde bakoitzak ematen dituen ekarpen bakarrak balioetsiz.

• Eztabaida irekiak sustatzea, ideien eta iritzien truke askea ahalbidetuz, aurreiritzirik gabe.

• Ikuspegi bateratua eta enpresarentzat onena den horretan kontzentratu behar da, lehentasun pertsonalak alde batera utziz.
• Ahal denean, pertsona bakoitzaren ezaugarri indibidualak aprobetxatzea onura eraginkorra lortzeko.

• Errespetu- eta lankidetza-kultura sustatzea, ikuspuntu eta lehentasun desberdinen aberastasuna gailenduz.

+ Aldaketa lidertzen: erakundearen arrakastarako belaunaldi aniztasunak duen botorea

Aginte taula integratuaren automatizazioa eta digitalizazioa

Ikastetxeetako estrategia diseinatu eta garatzeko kudeaketa mailan aurrerapausuak egiteko helburuarekin, Konplexutasunaren kudeaketako kideak gai honen inguruko ikerkuntzan murgilduta ibili dira azkenaldian. Estrategiari lotutako aginte taula integratuan datuak txertatu, zuzenean ikusi eta jarraipena egiteko digitalizazioa eta automatizazioa lortzeko aukerak aztertu ondoren, ikastetxeekin lortutako ezagutzaren transferentzia egiteko saioak antolatu ditu eta ikasturtean zehar saio hauek errepikatzeko asmoarekin jarraitzen dute. Kudeaketa orokorrean datu eta informazio ugari beharrezkoa dela jakin badakite zuzendaritza taldeek, eta honek egunerokotasunean jarraipen egokia egiteko duen zailtasuna ere azaleratu da elkarrizketa askotan. Zailtasun edo arazo hauei aurre egiteko, prozesu guztietako adierazleak eta aginte taularen arteko lotura automatikoaren aukera lantzen ari dira.

Aginte taula integratuaren automatizazioa eta digitalizazioa

Saio hauetan kontzeptu nagusi batzuk ezagutzeaz gain, ikastetxeko kudeaketan, prozesuen eta proiektuen datuak pertsona desberdinak, gailu desberdinetatik zehaztu arren aginte taula bakar batean informazioa modu ordenatu eta osoan jasotzeko proposamena erakutsi zuten arloko ikerlariek eta kudeaketako arduradun eta zuzendaritzako kideek praktika desberdinak lantzeko aukera izan zuten. Saioa interes handikoa izan zen eta aukera gehiago sortuko dira 2025 urtean eta etorkizunean ere, ikastetxe bakoitzaren beharrak aztertu eta proposamen zehatzak garatzen jarraitzeko etorkizunean ere.

konplexutasunaren kudeaketa

Zalantzarik baduzu jarri gurekin harremanetan

www.tknika.eusKonplexutasunaren kudeaketa Zuzendaria: Alberto Arrizabalaga

aarrizabalaga@tknika.eus

Laugarren industria-iraultzak LHko Ikastetxeak Adimena kudeatzen duten erakunde bihurtzea eskatzen du. Ondorioz, ikusten dugu beharra dagoela arlo honetatik ikastetxe mota berri hori definitzeko, hauetan balioaren sorrera eta ikastetxeekiko pertinentzia sustatu erakunde osoari begira, ezagutzaren sorrera; teknologien, digitalizazioa, erabilera; barne eta kanpo-lankidetza sareak, ikastetxe mota berri horretan zuzendaritza-taldeek duten rola eta euren lana aurrera eramateko behar duten konpetentzien garapena. Ikastetxeetako kudeaketa-ereduak aldatzea, antolamendu-egitura berrien bidez, erakunde adimendunak lortze aldera, egunerokoan aurre egin behar dioten konplexutasuna kudeatze aldera.

658712370

+ info