LOIADAS (DEEPFAKES) e Desinformación - Como Identificar e Cuestionar a Autenticidade do Contido Dixital

LOIADAS (DEEPFAKES) e Desinformación - Como Identificar e Cuestionar a Autenticidade do Contido Dixital

temporalización

contexto da actividade

OBXECTIVO DA ACTIVIDADE

Temporalización e desenvolvemento da sesión.

Descrición do tema e contexto da actividade.

Desenvolver o pensamento crítico e a alfabetización dixital.

+ info

+ info

+ info

ACTIVIDADE PRÁCTICA

MARCO TEÓRICO

entrega e avaliación

Desenvolvemento da actividade.

Breve explicación sobre as loiadas ou deepfakes.

Obxectivo e medición dos resultados.

+ info

+ info

+ info

definición:

Os deepfakes son contidos audiovisuais (vídeos, imaxes ou audios) creados mediante intelixencia artificial que imitan persoas reais, pero que son completamente fabricados ou alterados.

funcionamento:

Esta tecnoloxía utiliza algoritmos de aprendizaxe automática para analizar e replicar patróns de voz, movementos faciais e expresións dunha persoa, permitindo crear contidos falsos que parecen auténticos.

exemplos reais:

• Política: Un deepfake en vídeo de Kim Jong Un creado en 2020 por un grupo de defensa non partidista Represent Us. https://es.wikipedia.org/wiki/Deepfake • Celebridades: Creáronse vídeos falsos de famosos dicindo ou facendo cousas que nunca ocorreron, co obxectivo de difamación ou humor. • Pornografía non consentida: Un estudo revelou que o 98% dos vídeos deepfake son pornográficos e o 99% das vítimas son mulleres, incluíndo políticas, activistas e xornalistas.

importancia verificación de fontes:

Importancia da Verificación de Fontes: Na era dixital, a proliferación de contidos falsos destaca a necesidade de verificar a autenticidade da información antes de compartila ou tomala como verdadeira. A desinformación pode ter consecuencias graves, como manipulación de opinións, difamación e impacto en procesos electorais. Ferramentas de verificación e unha actitude crítica son esenciais para combater a propagación de noticias falsas.

ACTIVIDADE PRÁCTICA

Imaxes reais ou creadas pola IA?.

+ info

Vídeo explicativo sobre as loiadas ou deepfakes

+ info

Experimenta detectando loiadas ou deepfakes

+ info

Preguntas para a reflexión final

+ info

obxectivo da actividade

O obxectivo desta actividade é desenvolver o pensamento crítico e a alfabetización dixital do alumnado en relación coas loiadas (deepfakes) e a desinformación. Preténdese que os estudantes aprendan a identificar contido manipulado, analicen a súa repercusión na sociedade e reflexionen sobre as implicacións éticas do uso da intelixencia artificial neste eido.

TEMPOralización e desenvolvemento da sesión

1. Introdución teórica (15 minutos) -Explicación das loiadas ou deepfakes, como se crean e cales son as súa aplicacións positivas e negativas. -Presentación de exemplos reais de loiadas ou deepfakes en noticias, redes sociais e medios audiovisuais. Práctica inicial con Spot the Deepfake -Explicación da importancia da verificación de fontes e do pensamento crítico na era dixital. 2. Actividade Práctica (30 minutos) -En pequenos grupos repartiranse unha serie de imaxes e vídeos que poden ser deepfakes ou contido real. -Empregarán ferramentas de detección de deepfakes, como InVID ou Deepware Scanner, para analizar a autenticidade do material. -Cada grupo preparará unha breve xustificación das súa conclusións sobre cada caso analizado. 3. Reflexión Grupal (15 minutos) -Cada grupo compartirá as súa experiencias e resultados coa clase. -A docente guiará unha conversa sobre as repercusións éticas dos deepfakes e da desinformación. ________________________________________

descrición e contexto da actividade

https://s1.elespanol.com/2023/03/30/elandroidelibre/752435732_232078278_1706x960.jpg

As loiadas ou deepfakes son contidos audiovisuais manipulados mediante intelixencia artificial para parecer reais, o que pode xerar desinformación, difamación e manipulación de opinión. A capacidade da IA para crear imaxes, vídeos ou audios hiperrealistas desafía a nosa percepción da realidade, polo que é esencial desenvolver habilidades para avaliar a veracidade do contido dixital. A actividade enmárcase dentro do módulo de alfabetización dixital e ten como obxectivo ofrecer unha aproximación práctica e reflexiva sobre este tema.

entrega e avaliación

O alumnado entregará un breve informe cos seus achados e unha reflexión escrita sobre a actividade. Avaliarase a capacidade de análise crítica, a participación na reflexión grupal e o emprego adecuado das ferramentas de detección de deepfakes.

Podes averiguar cal é a imaxe creada con ia?

preguntas para a reflexión final

1. Como podemos distinguir entre unha loiada ou deepfake e un contido real? 2. Que consecuencias poden ter as deepfakes na sociedade, na política e na nosa vida diaria? 3. Cres que debería haber unha regulación máis estrita sobre a creación e difusión das deepfakes? Por que? 4. Que medidas podemos tomar para protexernos da desinformación e dos contidos manipulados? 5. Como pode a educación axudar a combater os efectos negativos das deepfakes?

Podes empregar ferramentas en liña como InVID ou Deepware Scanner para experimentar na detección de deepfakes.