A bastella di Dolcellina
Testu è illustrazione BALDI Letizia
Una volta, in un paesucciu, ci era una fata sfarente di l’altre. Si chjamava a fata Dolcellina. Campava in una casa fatta cù una pasta innorata è crachjula è sentia un dolce odore d’amandule.
Ogni annu, di ghjennaghju, appruntava una bastella di i Rè cusì gustosa ch’ognunu venia da luntanu per tastà la.
Una matina, allora ch’ella venia di sorte una bastella da u fornu, un curiosu omu s’affaccò davanti à a so casa. Era un rè ! Infine… guasi. Purtava una curonna tronca, a so cappa era tafunata è paria cusì tristu.
— Bonghjornu o Sgiò Rè, dice a fata Dolcellina. Chì fate quì, cusì luntanu da u vostru castellu ? — Sò u Rè Filustu. Aghju persu u mo reame è a mo curonna. Nimu ùn mi vole sente, allora mi ne sò andatu.
A fata Dolcellina pone a so bastella , sempre calda, nantu à u tavulinu. — Ùn v’inchietate. Una bastella di i Rè pò risolve tanti prublemi. U rè Filustu arrugò i sopraciglii. — Una bastella? Cumu una bastella mi puderà aiutà ? A fata pigliò una insalatiera è principiò à appruntà una bastella. — Fighjate,o Sgiò Rè. Una bastella di i Rè, hè assai più simplice chè un dolce. Hè magica, ma solu s’ella hè fatta cù primura è boni ingredienti.
A fata pigliò un pezzone di butiru. — Eccu u butiru. Rende a pasta crachjula è innorata.
Po, messe una manata di farina bianca cum’è a neve. — A farina hè a basa di tuttu. Senza à ella, ùn ci seria pasta.
Aghjunse appena di zuccheru. — U zuccheru, hè ciò chì dà a dulcezza in ogni buccata.
Infine, sciappò qualchì ovu è l’imbulighjò cù u latte. — L’ovi è u latte rendenu a pasta legera è merullosa.
Ma ùn basta micca… a vera magia si trova in a crema d’amandule.. A fata chjappò l’amandule in pulverina, u zuccherru, u butiru, l’ovi è po, imbulighjava u tuttu cù minutezza. — Hè a frangipana, spiegò a fata. Hè què chì dà u so gustu à a bastella.
U rè Filustu tenia l’ochji sbarragati davanti à a fata . — È a fava ? Dumandò u rè. Dolcellina fesse un surisu è surtì una fava in forma di curonna, lucente cum’è una stella. — Eccu la. Hè ella chì rende a bastella magica. Quellu chì a trova pò fà un auguru. A fata hà messu a fava in a bastella è l’hà infurnata . Durante à u tempu di a cuttura, un dolce odore imbalsavama a cucina.
Quandu a bastella fù pronta, a fata invitò u rè à manghjà ne un pezzu. Ogni buccata era un veru deliziu ! Di colpu, u rè sintì qualcosa sottu à i denti. — Aghju a fava ! Mughjò u rè. — Allora, o Sgiò Rè, fate un auguru ! U rè chjuse l’ochji è cù una vucione disse : — Vogliu ritruvà u mo reame, a mo bella curonna è una cappa nova!
A fata trinnicò a so mazzetta. È… cum’è per magia…. U rè Filustu ritruvò a so bella cappa rossa , una curonna cusì lucente è da luntanu, si vedia un reame è un tamantu castellu… era u soiu ! — oh ! Fighjate, u mo castellu, a mo curonna... a mo cappa rossa ! Tanti ringrazii, fata Dolcellina ! Ùn mi scurderaghju mai di a vostra bravezza ! U rè Filustu vultò in u so castellu è a fata ripigliò a so cucina appruntendu tante è tante altre bastelle.
Ogni annu, rigalava appena di magia à tutti quelli chì n’avianu bisognu grazia à e so bastelle di i Rè. Dapoi stu ghjornu, si dice chì ogni fava piatta in una bastella cuntene appena di magia… Allora, quale hè chì sà ? Forse chì a prossima fava ch’è vo truvarete realizerà u vostru auguru…
A BASTELLA DI DOLCELLINA
Letizia B
Created on January 1, 2025
Start designing with a free template
Discover more than 1500 professional designs like these:
View
Smart Quiz
View
Essential Quiz
View
Practical Quiz
View
Akihabara Quiz
View
Pixel Challenge
View
Math Calculations
View
Piñata Challenge
Explore all templates
Transcript
A bastella di Dolcellina
Testu è illustrazione BALDI Letizia
Una volta, in un paesucciu, ci era una fata sfarente di l’altre. Si chjamava a fata Dolcellina. Campava in una casa fatta cù una pasta innorata è crachjula è sentia un dolce odore d’amandule.
Ogni annu, di ghjennaghju, appruntava una bastella di i Rè cusì gustosa ch’ognunu venia da luntanu per tastà la.
Una matina, allora ch’ella venia di sorte una bastella da u fornu, un curiosu omu s’affaccò davanti à a so casa. Era un rè ! Infine… guasi. Purtava una curonna tronca, a so cappa era tafunata è paria cusì tristu.
— Bonghjornu o Sgiò Rè, dice a fata Dolcellina. Chì fate quì, cusì luntanu da u vostru castellu ? — Sò u Rè Filustu. Aghju persu u mo reame è a mo curonna. Nimu ùn mi vole sente, allora mi ne sò andatu.
A fata Dolcellina pone a so bastella , sempre calda, nantu à u tavulinu. — Ùn v’inchietate. Una bastella di i Rè pò risolve tanti prublemi. U rè Filustu arrugò i sopraciglii. — Una bastella? Cumu una bastella mi puderà aiutà ? A fata pigliò una insalatiera è principiò à appruntà una bastella. — Fighjate,o Sgiò Rè. Una bastella di i Rè, hè assai più simplice chè un dolce. Hè magica, ma solu s’ella hè fatta cù primura è boni ingredienti.
A fata pigliò un pezzone di butiru. — Eccu u butiru. Rende a pasta crachjula è innorata.
Po, messe una manata di farina bianca cum’è a neve. — A farina hè a basa di tuttu. Senza à ella, ùn ci seria pasta.
Aghjunse appena di zuccheru. — U zuccheru, hè ciò chì dà a dulcezza in ogni buccata.
Infine, sciappò qualchì ovu è l’imbulighjò cù u latte. — L’ovi è u latte rendenu a pasta legera è merullosa.
Ma ùn basta micca… a vera magia si trova in a crema d’amandule.. A fata chjappò l’amandule in pulverina, u zuccherru, u butiru, l’ovi è po, imbulighjava u tuttu cù minutezza. — Hè a frangipana, spiegò a fata. Hè què chì dà u so gustu à a bastella.
U rè Filustu tenia l’ochji sbarragati davanti à a fata . — È a fava ? Dumandò u rè. Dolcellina fesse un surisu è surtì una fava in forma di curonna, lucente cum’è una stella. — Eccu la. Hè ella chì rende a bastella magica. Quellu chì a trova pò fà un auguru. A fata hà messu a fava in a bastella è l’hà infurnata . Durante à u tempu di a cuttura, un dolce odore imbalsavama a cucina.
Quandu a bastella fù pronta, a fata invitò u rè à manghjà ne un pezzu. Ogni buccata era un veru deliziu ! Di colpu, u rè sintì qualcosa sottu à i denti. — Aghju a fava ! Mughjò u rè. — Allora, o Sgiò Rè, fate un auguru ! U rè chjuse l’ochji è cù una vucione disse : — Vogliu ritruvà u mo reame, a mo bella curonna è una cappa nova!
A fata trinnicò a so mazzetta. È… cum’è per magia…. U rè Filustu ritruvò a so bella cappa rossa , una curonna cusì lucente è da luntanu, si vedia un reame è un tamantu castellu… era u soiu ! — oh ! Fighjate, u mo castellu, a mo curonna... a mo cappa rossa ! Tanti ringrazii, fata Dolcellina ! Ùn mi scurderaghju mai di a vostra bravezza ! U rè Filustu vultò in u so castellu è a fata ripigliò a so cucina appruntendu tante è tante altre bastelle.
Ogni annu, rigalava appena di magia à tutti quelli chì n’avianu bisognu grazia à e so bastelle di i Rè. Dapoi stu ghjornu, si dice chì ogni fava piatta in una bastella cuntene appena di magia… Allora, quale hè chì sà ? Forse chì a prossima fava ch’è vo truvarete realizerà u vostru auguru…