2024-CONCURSO DE NADAL

CONCURSO:

UNHA HEROÍNA NO NADAL

CEIP MANUEL PADÍN TRUITEIRO

OPCIÓNS

O alumnado poderá optar por presentar o seu reto en calquera das seguintes opcións narrativas:

• Opción 1: Poema.
• Opción 2: Banda deseñada ou cómic.

Poderá presentarse un único reto ou participar con ambas opcións.

CATEGORÍAS

INFANTIL

PRIMARIA

4º, 5º e 6º de infantil

Opción 1: Poema

O alumnado de Infantil deberá crear un poema de Nadal sobre unha heroína real ou inventada, ilustrado cun debuxo e composto por, como mínimo, 1 pareado. Deberá incluír obrigatoriamente un título (en galego).

O poema presentarase en tamaño A4 e en formato vertical.

4º, 5º e 6º de infantil

Opción 2: Banda deseñada ou cómic

O alumnado de Infantil deberá crear unha pequena historia de Nadal protagonizada por unha muller e contada a través de, como mínimo, 3 viñetas. Poderán levar texto (opcional) e deberán incluír obrigatoriamente un título (en galego).

A historia presentarase en tamaño A4 e en formato vertical.

1º a 6º de Primaria

Opción 1: Poema.

O alumnado de 1º, 2º, 3º, 4º, 5º e 6º de Primaria deberá crear unha composición poética sobre unha heroína real ou inventada anvientada no Nadal. Poderá empregarse calquera tipo de composición e estrutura poética:

• Poesía escrita en verso • Caligrama (poema en forma de debuxo) • Acróstico ( cando coas letras iniciais de cada verso se forma unha mensaxe) . . ..

A obra virá acompañada dunha ilustración alusiva ao tema tratado. O poema estará escrito en lingua galega e deberá incluír obrigatoriamente un título.

O traballo presentarase en tamaño A4 e en formato vertical.

1º a 6º de Primaria

Opción 2: Banda deseñada ou cómic.

O alumnado de 1º, 2º, 3º, 4º, 5º e 6º de Primaria deberá crear unha historia de Nadal protagonizada por unha muller e contada a través dunha banda deseñada que abarcará un mínimo de 6 viñetas e un máximo de 3 páxinas. O cómic estará escrito en lingua galega e deberá incluír obrigatoriamente un título. O traballo presentarase en tamaño A4 e en formato vertical.

Presentación

Os retos deberán vir escritos en galego e presentaranse en formato pdf (unha vez creado, deberá escanearse e gardarse en pdf).

Ademais da orixinalidade da obra, para outorgar o premio terase moi en conta a boa presentación: marxes, limpeza, ortografía, caligrafía, coloreado...

Modo de entrega

Os traballos deberán escanearse para poder envialos en formato pdf ao correo da biblioteca:

biblioteca.manuelpadintruiteiro@gmail.com

Tamén poderán entregarse directamente á titora ou titor correspondente á volta das vacacións.

Data de entrega

A data límite de entrega será o venres, 10 de xaneiro de 2025.

Xurado e premios

Todos os traballos presentados serán publicados no blog da Biblioteca. O Equipo de Biblioteca será o encargado de valoralos.

Reunirase o martes, 21 de xaneiro, e escollerá en cada nivel un traballo gañador que recibirá como agasallo un libro.

Comunicación dos traballos premiados

O venres, 31 de xaneiro de 2025, comunicarase o resultado do xurado, os nomes do alumnado gañador e farase a entrega dos premios.

BOAS FESTAS !!!

ANIMÁDEVOS A PARTICIPAR !