تفاعلي | تحدث مع لاجئة سورية في لبنان وتعرف على خياراتها

تحدث مع لاجئة سورية في لبنان

start

اسمي حميدة جاسم (44 سنة) ،سورية جئت إلى لبنان هاربة من حرب سوريا قبل 13 عامًا تقريبا لدي 3 أولاد، ابني الأكبر (محمد)، عمره 21 سنة، وابنة عمرها 13 عامًا، والصغرى 9 سنوات

وصلتني رسالتك.. حالتنا كتير صعبة، كنت اسكن ببلدة يونين بالبقاع وضربوها بقصف كتير قوي وراح ناس كتير منا 20 سوري تقريبا ما قدرت استحمل أكتر، هربت ووالله خايفة على ولادي كتير، تذكرت أيام حرب سوريا وصارلنا نفس الشي، ما معي غير شوي أغراض وما بعرف وين نروح

أين يمكن أن تذهب حميدة بأولادها؟

اللجوء إلى جمعيات مدنية

الذهاب إلى بيروت

الذهاب إلى مدارس النازحين

العودة إلى سوريا

اقترح عليكي الاتصال بالجمعيات التي تقدم مساعدات للنازحين

كلمتهم كتير، بس ما ردوا

وهاي الجمعية بعرفها، هي بسمة وزيتونة

بتساعد اللاجئين السوريين واللبنانيين

ببيروت وطرابلس وصيدا والبقاع

والله عم استنى ردهم

هل يمكنك البقاء في شوارع بيروت مع بقية النازحين؟

إي والله، رحت

كورنيش بيروت صار غير، ما عاد مكان للمشي والرياضة

صار النازحين عم يناموا فيه على الأرض.. متبهدلين

ساحة الشهداء صارت مليانه خيام، كلهم نازحين سوريين

وانا بقيت هناك في العراء مع ولادي لحتى تعبت

ولماذا لم تذهبي لمدارس النازحين؟

رحت كتير من الأماكن

بعضن قالوا إنه الدخول بس للبنانيين

وبعضن قالوا ما في مكان كافي عشان نستقبلكن

يمكن أن تعودي إلى بلدك، خاصة وأن الحدود مفتوحة

والله فكرت بس على شو بدي ارجع؟ ما عندي بيت ولا شي هناك

وسمعت إنو الشباب اللي عم يرجعوا يواجهوا مشاكل كتير

تتعلق بالتجنيد إجباري أو اعتقال وانا عم خاف على ابني الكبير

كمان عم يطلبوا منا نصرف مية دولار للدخول

العودة إلى الاختيارات

الاستمرار

قلت لنفسي خلص، بدي ارجع زي باقي الناس يمكن نلاقي حدا يساعدنا لقينا مية سيارة واقفة بالدور ع الحدود مشينا كتير، تعبنا والله بعد ما انهدم الطريق

شفت بعيني سيدة شايلة ولدين صغار ميتين وعم تقول بدها تدفنهن بسورياوالله تعودنا على كل شي، صرنا ما بنفاجئ بأي شي

اتصلت بصديقتي اللي ساكنة بدمشق

وقلت لها إني ع الحدود

وقالت لي إنها رح تجي

انقطع التواصل مع حميدة وأولادها ولا يمكنك معرفة إن كانت وصلت بلدها بسلام أم لا..