2024 - Gañadoras Pódcast - Secundaria - web

PODCAST - Ensino Secundario Obrigatorio / Ensino Secundário

Preme en cada foto para coñecer as premiadas

1º Premio Antón Carou López – 1º ESO IES Virxe do Mar (Noia)

O alumnado do IES do Milladoiro, no seu proxecto radiofónico Vozes da lusofonía, achéganos o traballo realizado polo alumnado da materia de portugués, a través do que aprenderon o que facían e de onde viñan os seus antepasados antes de 1970. Todas e todos descubriron cuestións que descoñecían do pasado das súas familias e, ao final, da historia do pobo galego. A descrición das fotografías, e conversas cos seus parentes, están nos respectivos podcasts.

Accésit Iago Varela IES do Milladoiro

Meu bisavó é chamado na casa "O avó do mar" porque ía pescar ao Gran Sol, un caladoiro preto das illas Británicas. Dalgún xeito os seus fillos herdaron a paixón pola pesca. Meu avó Eduardo pescou dende sempre, nunha barca de remos, pescaba o que caía e se podía algo de marisco, ía na "Nicanora", que nin el sabe por que lle chama así. No centro desta fotografía atópase o meu avó Eduardo (camisola branca) levantando cun arpón unha quenlla. Dentro do barco está o seu irmán Pepe agarrando a cola dunha das quenllas que pescaron. Remataba o concurso da pesca do tiburón no cal tiñan que navegar mar adentro ao redor de 6 millas dende as Illas Cíes. Coma cebo utilizaban sardiñas e tamén sangue e vísceras de animais (el chámalle "saque"). As quenllas que pescaba non eran pequenas: ata 3 metros e 80 kilos. Pescábanse con canas con liña, tiñan unha preparación especial. Usábase corda en lugar de tanza e os anzois eran de aceiro. Entrambas cousas polo menos metro e medio de cable de aceiro, para que cando picase a quenlla non puidese trincar a corda. Gañaron xuntos varios trofeos que aínda garda no seu salón o meu avó.

Accésit Andrés Iglesias Domeque – 2º Bacharelato IES Politécnico de Vigo