Мележ по-новому

Іван Мележ: імя і час

"Будзе Мележа голас гучаць..."

Цікавыя факты з жыцця пісьменніка

З гордасцю носім імя земляка

• Свой творчы шлях Іван Паўлавіч пачаў з паэтычнай дзейнасці. Яго першай публікацыяй стаў верш "Радзіме" ў газеце "Чырвоная змена". Аўтару на той момант было 18 год.
• Пачатак Вялікай Айчыннай вайны пісьменнік сустрэў у Карпатах. Менавіта на фронце ў ім прачнуўся празаік. Нягледзячы на забарону, ён да 1943 года вёў дзённік.
• Першае сваё апавяданне Іван Паўлавіч быў вымушаны пісаць левай рукой, паколькі знаходзіўся ў гэты час у шпіталі ў Тбілісі. Апавяданне называлася "Встреча" і публікавалася з паметкай "Кавказ, госпиталь, 1942 год".
• У асяроддзі пісьменнікаў Іван Мележ лічыўся ідэальным субяседнікам, таму што ўмеў слухаць. Ён ніколі не перапыняў суразмоўцу, нават калі не быў з ім згодзен.
• "Палеская хроніка" Івана Мележа па праву лічыцца нацыянальнай эпапеяй і адным з важнейшых твораў беларускай літаратуры ХХ стагоддзя. У трылогіі "Людзі на балоце", "Подых навальніцы" і "Завеі, снежань" пісьменнік падрабязна апісвае сваю малую радзіму - вёсачку, якая знаходзілася літаральна на востраве сушы паміж палескіх балот, і жыццё сялян у перыяд калектывізацыі. Усе героі маюць рэальных прататыпаў - людзей, якія жылі ў роднай вёсцы пісьменніка Глінішчы.
• Першапачаткова раман "Палеская хроніка" задумваўся як пенталогія.
• У горадзе Бугуруслан Арэнбургскай вобласці пісьменнік пазнаёміўся з Лідзіяй Пятровай. У красавіку 1943 года, не сказаўшы нікому ні слова, яны пайшлі ў ЗАГС і распісаліся. Лідзія Пятрова-Мележ стала першым чытачом усіх твораў мужа.

Дакументальны фільм "Туманы над багнаю"

ДУ "Сетка публічных бібліятэк горада Гомеля" Інфармацыйны рэсурс "Пісьменнікі ў адзін клік"

Успаміны землякоў пра Івана Паўлавіча Мележа

Супрацоўнікі бібліятэкі-філіяла № 1 імя І.П. Мележа ДУ "Сетка публічных бібліятэк горада Гомеля" беражліва захоўваюць памяць пра свайго земляка