proteccion de datos personales mazateco

JOSÍN SIKINDAA

ÉN RI ATA TSAJÁN

Fitsia

Josín nikindae ri ata tsaji

Ke nga tajñáya ata tsaján jéní jngo kjoanda ri tsjáná kjoatéxoma ritaxá koasín bakoiná, kama kjuitásen tajokji mijénná. Kamanájcha nisin jña chjita xá bakola sikindaa, tanga nikikjoán koasín bexkonni nga sinajtó, koamani nga jñá ri chjitamíná ri naxaenandáminá, kataya josín machjen én ata tsaján. Niyajín ri kjoaní’alí kjoanda rikji tsjáli kjoatéxoma

Mena romí ke nga bixá én ata tsaján

Jeromí kjoanda ri bakóná nga yaa, yaní, merisínni, kjení, jan meni koasín machjen ni énri ata tsaján. Je én ata tsaji tachibala tsá ya titsóbatjo ña jin archivomí, ña tjíta xajon, banco, ya ñani tajokji ri skoe, taña indeni kama skoe takje mijénla, a siijé ndelí ari majín. Koamani ñó chjíla nga kataselí josín sikoe, take kama chjinangiyi nga ndakjoán katamachjén én ata tsaji.

Jotjín jko mani énri ata tsaji

Ñó chjíla nga jngo jngo chjita skoe jokjoán én ri ata tse ri isa xkón. Bibina ta koalasin tjínna josín majtín tala xakjín.

nijota xkónjín

Ri ñó xkón

• Ri correo electrónicomí rita tsaján
• Jotjín nichrjaen jotjín nó tinixá
• Número tse seguro
• Jotjín nóná
• Ri CURPmí
• Ña tíjna niyaná
• Xkosínná
• Firmaná
• hueyaná
• xajon ri rfcmí
• Ña kitsiin
• A tsixánní ari tajiní

• Ya chjita tjen’ili
• én ata tse ri tjinjin níjlí
• Josín tijnae a ndani ari tibiyaní
• kjoa makjaenlí
• Yara mitali
• yari tsjachi

Jon kjoa koakolí, jirisíni jokji ri isa nda. A tijna ndani nga kuisentjí énri tjín ata tsaji

fitsia

Kjoa ri mani jngo

Kjae naxaenandá ña timi, Jotjín xajonlí kichí jaan ña tí’ijolí

Tajé credenciana yaa, ta an bee josín tjinna, tanga ya’amáná

Ñokjín xajon yaa ri bakónaa, taya tsijenná, kama skoe chjita ri kjaé

Koasín jonisii

Fe ichi ko credenciali. ngi nijcha’ijinjín ke nga koasín ñami ta chiba xajon jchi, ya jchi ñani tjo signa. Tanga ngí níjcha’ijinjín nga jcha kjitae jngoe xajon ri bakólí ngaji.

Kjoa ri mani jó

Ya tibitjasenjin ri internémí, jan jngo aviso bitjolí ri taji bakoli ya ña tjonangili a mijénli nga taya ri kama skoeli (jeri tsóla nga kama skótsijenla tame énni ata tsaji) a ri taji jchi (tsáyari mijénla én ata tsaji itjón kjoanla sijé ndelí). Josin

Kuixke aviso ri ta an bakona, tanga ta tjítsijen kuentana kama xkoe tayani

Niki kuixke aviso ri ta an bakona, tanga niya ri be cuentana

Niki bixke jotsó xajon rokji niki bakona, takoasín tí’ijona cuentana, kama skue taya ri mijénla

Kuixke aviso ri ta an bakona, tanga ta an tjijinna kuentana nikiya ri be

Ke nga bitjasenjin ña internémí taxá kjonangini a mijénrolí ri coki tsóla, jerisín romí jení nga ya sikitjsen me indee bitjasin. Ke nga taji sijinlí én ri tjín ata tsaji tasa ngi bindejinli ri cokimí.

Koasín jonisii

Ñó chjíla nga kuixki aviso ri tsjáli indee ña bitjasenjín interné meni jchani nga je én ri tjín ata tsaji josín koachjén, jan koati ma taji jchi énlí, jiriyani yari kama siko jan yari majín.

Kjoa ri mani ján

Ya naxaenandálí jngo jstjsí ri ñó ba, koakama tsá nandá kjoa’asen niyalí. Ña tí’ijo xajonliji.

Nikiyaa ña tí’ijo xajonna ri ñó chjíla

Tí’ijo jtínna ta jngo indee mochila jnchasenna jan xajon fatee kjiya

Taña tí’ijona

*Kuamílajin isa ndani nga taxá tikijna jngoni mochila ña kuinchasin xajonlí, ma ya tikí’ijoe me isa ri ñó machénlí tsatabélana meri kama.

Koasín jonisii

Nisín nandá ja’asen niyalí nga tsa jstjsí, nimejín ri kamála xajonlí ri ñó chjíla, taja koakjoán kjiya ndsae, ni itjóxójnojin. Ngí nijcha’ijinjín nga ñó chjíla ngayi ña kji’ijo xajonlí, tsábelana meri kama, ma ta jngo indee kuitjáchji chjibí.

Kjoa ri mani ijón

Fe campaña tjíma nga chjita ri mijénla xá sinchá, jan jngo proyecto kjuichoko naxaenandálí meni isa nda koajchónni, nga koasín sixá ko proyectoje jngo copiala credenciálí sijélí. Joñíji

Fe kjin proyecto sinda ri koasín nimelamajinla tsjala copiala credenciana

Kjonangiya jan ngí yaró sichjen ngani nga xá fitjingila, tanga mijénna proyecto tasa tsjala credenciana

Kjonangiya kjoanla itján josín koachjén credenciana, jan niki koakjoansinni jotsó. tasa niki tsjala.

Ta’inda tsjaná copiala credenciana, nime ri kjonangiya

Nga kamalí josín sinda jngo xajon tse aviso ri tajñá yaa, tisenélibi

Koasín jonisii

Kjinka koasín kjuichó chjita ya naxaenandáli nga kuitso proyecto tjín, ño chjíla nga chjinangia me xáritjínla chjita jñá, a koa kjoansín si’itjosón jotsó énri tjímako. Tijéli nga katabakóli josín kjoan koachjén xajonlí ri ata tsaji, katasín jngolí firma xajon nga tjo skoe én ata tsaji.

kjoa ri mani ón

Tsabélana, mi banco jngo cuenta mijenlí kuinatsji, isénlí skobé chjita ri ya bakola, najma ndsaení ijie (datos bimétricosmí jña) Josinji

Michjínangi ñani CONDUSEFmí ya indee ñani bakola ma chjinangia, meni yani meri datos biométricosmí jan meri sínni banco

Tasa katjabéna siiní kuina nga mitsáyi meni koasínni

Ngoyi siiní nga ñó machjenlí cuenta jan bajinlí jotsólí chjitala banco.

Ngo tabindéní tsá taxá koaniko’iná nga cuenta natsjee siiní.

Koasín jonisii

Nga kama jchi ata tse datos biométricosmí jan josín machjen ya banco, titjásin ya interné tse CONDUSEF ya kuitsoyalí jotjín Tisennéli bi

kjoa ri mani jon

jngo chjita chjalí ri ya sixá indee ña satena línia tse teléfono, tanga je sijéli én ata tsaji meni kama tsjá’ili ri chibachjíla, jan, ji…

Niki bili én ri tjín ata tsaji, tasa mi kixi ña tijna tiendala michjinangi meri ri chiba chjíla

Bi’ili én ri tjín ata tsaji kuijinna nga koátsjachi ri chiba chjíla tsólí

Koasín jonisii

Ke nga fichii tiendala niki kjoaxini. Ta tsakínocha’ilí nga kichjalí Ngí nijcha’ijinjín nga ta kjita nichrjaen koasín chijé. koakama tsá kuitsolí tarjetaní, tsá jngo tsajmí chjitse(joni karro) o tsá me xáni, koakama tsá itsolí ijie tjín yari kuichjíni tonlí ri tijna banco. Ngí binochajinlí, tasa tinákjoe kixi ñanda chja’ilí meni koa kjoán tjín én kixi.

Tisennéli bi meni kama sikiiyáni

Jotjín jko mani én

• Nóli - niki jota xkón énje
• Niyalí - niki jota xkón énje
• A chjonní, a xaen tsjachi - xkón énje
• Kjoa makjaenlí josín yaani - xkón énje

Tikjoe én, ti ngasaen jokji ri taña bakola. tichjín ri jokji lapikji meni kama sikiya sónni pantalla. Ke kamana, meni jchani nga nda tjín nga nda isé, indiyaa tisennéli ri bakó jokji ri makiyani meni nikiti sikiyáni, jan kjoan tisení icha ijóxkon.

Ndae 90 segundo koatsijen josín kjoanni

XKÓN ÉNJE

Nóli

NIKI JOTA XKÓN ÉNJE

Niyalí

XKÓN ÉNJE

A chjonní, a xaen tsjachi

Kjoa makjaenlí josín yaani

NIKI JOTA XKÓN ÉNJE

OTANDANI KOASÍNNA

Fe isa yani nandae josín jchatjáe énri tjín ata tsaji Koasín ñalajin invitar nga chitae, ña kama kuínni tsáme ri kjoachjénlí. Ri koasín nrobá je koasenkolí tsa meri mijennli chjinangi isi.

Indiya tiská ngani

Koasín ñalajin invitar nga kataya’isi ata tse én ri tjín ata tsaján, bibi:

Kjoatéxoma ri taña ngasón bakola:

• Kjoatéxoma tse saludmí
• Kjaotéxoma ri binajtjó énri tjín ata tsaján (LFPDP)
• Kjaotéxoma ri binajtjó énri tjín ata tsaján ri ta xájña koasín nijé’ila(LGPDPPSO)
• Kjaotéxoma ri bakó jotjín én tse naxaenandá (LGTAIP)

Ya tichja ya xkila LFPDP:

• Ri mani jngo: Ya bexkón kjoanda ri tsjána kjoatéxoma
• Ri mani jon: ya bexkón kjoanda ri tsjáná kjoatexóma nga tajñá tjijinná ata tse kjoabinachonná
• Ri mani chrjon jngo: Ya bexkón kjoanda ri tsjána kjoatéxoma nga ma bitjasen, chita’a, cancelar jan ko tse magín’iná (ARCO)

Niki koasín

tus datos están en peligro