proteccion de datos personales mixe

JA Mnïkäjpxën Mnïmatyääjkën

Y'EXYEJTËN

YIKTSOO'NTÄ'ÄK

¿Sutso me’ts x’exyity ja m’amaa’tskäjtën?

Ja atëm ja amaa’tskäjtën payë’ëyën nmëëtäjtyëm jïts ëy ejuunë nyiktunkpääjtënt. Ëy yi mëëj kutunk jyapäätatyë, ka xïmïejtp yikwïntsë’ëkë atëm ja n’amaa’tskäjtën, pa’ts tsyëkyë ku atëm sämë jää’y sämë käjp najää’wa’ant sutso tyunkpääty atëm ja nmatsyoomujkën nkonmujkën. ¡Ka’a pën pyäätatyë twïnäxt yä’ätpë payë’ëyën!

¿Ti tyijpy ja jää’y ja nyikäjpxën nyimatyääjkën pYayë’ëyën?

Ja'a tyijypy ja kuttujk miti ka’pxy nänkpyatuu’nyëp yijnëkäjpxt yiknëmatyä’äkt pën, jati’ts, juunë jïts tikëjxp atëm ja nïkäjpxën nïmatyääjkën tyunkpäätwä’äny. Ëy me’ts ja mnïkäjpxën mnïmatyääjkën yikpëjkjë’ëkt pujxjëtypy, nëkyjëtypy, u'k mä ja matsyoomujkën yikpëjkji’iky awä’ätspë u’k ka awä’äts, u’k ëppën tookpë miti yiktunkpäätp ëy me’ts ka’a xjanajäwë. Pa’ts tsyëkyë ku xmëëtät u’k xnajäwët ja tunpajt, wïnets jatë’n xpayë’ëty jïts ëy ka’pxy tyunkpäät ja mnïkäjpxën mnïmatyääjkën.

Tii jaty nïkäjpxën nïmatyääjkën jaaj

*Najäwë ku këja’a ntanïpääjtyëm miti’ amääy nïkäjpxën nïmatyääjkën ntijyëm. Ïxaaj myiktukijxy sutso jya’ty yikakonpaky.

amääypyë

Ka amääypyë

• Mä ja ayuujkyikyë’ëpyë myiktanëkaxt

• Wïnë’n jë m’ïjxpëjkën jë mtuu’nën të xyikyë’ënyë
• Mtaejxkäp mä ja tsëyityääjk
• Mjumëjt
• CURP
• Mä mtsëënë
• M’akojnäx
• Mwïnjo’ojts
• Mkëtsä’äjx y’awänäx
• RFC
• Mä mkukäjpë
• M’amajtskäjtën / Mnatyu’ukäjtën

• Sutso mkukäjpjää’yaty
• Pën jë "m’ääts mkukoj"
• Tiij u’k pën mni’ijypya’typy

• Mtsë’ëkyäjtën
• Mmïpëjkën:
• Yikjujkyäjtpë
• Kuamää’yën
• Jää’yäjtën

• Pën kutunk/kuttujk mpapijkypy mpatumpy

• Pën mtsëkya’typy

Ïxaaj tutujk ja JÄJTËN KUPAJTËN myiktukejxwä’äny jïts Xwïejxt mïti'ipë ëy ka’pxy. ¿Të mnayaejxïyë jïts xnëkupokt ja mnïkäjpxën mnïmatyääjkën?

YIKTSOO'NTÄ'ÄK

MYITU'UKPË JÄJTËN KUPAJTËN

Jam mkäjpkËJXP mtsëëny jïts apiky mjä’ätwä’äny, ¿wïnääk ja mnëky xpakëny jïts määj ja xkoojnji’iky?

Ja ncredencial ë’ts ja’ayë npakëmpy mä jä’tnë npäät, tim yu’utsy ja myiny.

May ë’ts ja nëky taejxkäjp npatsimy mä jä’tnë yikëjxpäät u’k ëppën tnëxäjët.

¡tË mËjatä'äky!

Të ka’pxy xmëjä’äty ja mnëky taejxkäjp mä ajaaj mjä’ätwä’äny. Jää’myats ku jakam mnäxwä’äny mtëkkëwyä’äny, waanë ja mnëky xpako’nt jïts yu’utsy xmïwïtet. ** tim jää’myats ku xïmïejtp xkonwïtet ja nëky miti myiktaejxkäpp**

MYIma'tsKPË JÄJTËN KUPAJTËN

Jajp mnËYumwä'äny mÄ ja jää’y y’akajxpäk jajp internet, wïnets myiktanëkexy ja amaa’tskäjtën ayuujk ku ja mxëëw xpïktä’äkwä’äny, jajpts tyiktiy pïnï mtukejxwampy nëtukki’iyi ja jää’y (ëppën kapën taejxët tii jaty mkejxypy), u’k yu’utsy xyiketwä’äny (kuwanë ja awä’ätsäjtën myikamto’ot jawyeen). ¿Ti mtum'p?

Ka’a nëkykyäjxpt ja amaa’tskäjtën ayuujk tim yu’utsy nänkyettët jajp pujxjëtypy

Nëkykyäjxpp ë'ts ja amaa’tskäjtën ayuujk, tim ntukejxwampy ëy ëppën ti nyikpe'typy jajp pujxjëtypy

Ka’a nëkykyäjpxt ja amaa’tskäjtën ayuujk ja’akku ka’a nmëjpïktä’äky, jïts ëy eppën t'ejxt miti nyikpe’typy jajp pujxjëtypy

Nëkykyäjxpp ëts ja amaa’tskäjtën ayuujk jïts yu’utsy nyiket miti nyikpe’typy jajp pujxjëtypy

*Ku mnëyu’mt jajp internet wïnjaa wïntsojk myikyiktë’ët pïnï mkuppi’kypy ja nëejxu’ut. Ja’a ja wyä’äny jïts ja pujx tjää’myatst tiijaty me’ts m’ijxypy m’ïxaapy jajp internet. Jïts niyamee’tsykyi mnëyu’mt jajp internet ka’a ne’ekë xnëatsowët ja nëejxu’ut.

¡TË MËJATÄ'ÄKY!

Tsojkëp ku xnëkykyäjpxt ja amaa’tskäjtën ayuujk miti ja jää’y y’akajxpäk nyimatyakypy, wïnets xnajäwët ti mnïkäjpxën mnïmatyääjkën kyoojnjë’ktëp jïts pën tyanïkajxtë’p. Naytë’n yu’utsy xyiket ja mtaejxkäp mä ja jää’y ja y’akajxpäk jïts kë’m xtanëpäät pën mtukejxwampy.

MYItïkëëKPË JÄJTËN KUPAJTËN

Yikxon ja kom tuUj të myiny ja mkäjpkijxy jïts ëy ja jä’ä u’k ja nëëj tyëkkët jajp mtëkjëtypy. ¿Määj ja Mnëky xpëjkji’iky?

Ka najäwë pï määj ë’ts ja nnëky jïnet

Tu’ukyi ë’ts ja nnëky npëjkji’iky jïts jajp ja akonë pejnyjëtypy u’k xetknëatsumpety

Apikyjaty ë’ts ja nnëky nyikity

*Ïxaaj myiktukmatëy ku tu'uk ja pejny aejxë xyiket mä ja mnëky xpëjkjë’ëkt mëët ja pïktä’äky miti m’ajotätp ku ja ayoo’n tyunët.

¡TË MËJATÄ'ÄKY!

Ëy ja më’k tuuj të tyikwïntëkëy ja mtëjk, ka’pxy ja mnëky xkïjë’mëtaty jïts ka’a të wyanjaty. Jää’myats ku tsyekyë x’ejxä’nt määet ja mnëky xmëëtaty, kuts ja ayoo’n tyunët jäjtnë xpätkojt.

MYIMAKTÄXKPË JÄJTËN KUPAJTËN

Të ja et tpääty ku ja mëj kutunk yikwïejxwä’äntë, wïnets ja mkäjp yiktamëawänë ja putëjkën; tim ja’akku ja mcredencial ja y’awänäx yikamtëy. ¿Ti mtum’p?

Të jawyeenyëp ja putëjkën jatë’n jyä’tnë, ka’ap yi tiij ku ë'ts yi nnëky nkïyäkt

Jawyeen të nyiknïtëwë jïts të najäwë kutam ë’ts ja ncredencial ja y’awänäx tyiktunkpäätwä’äntë mä ja kutunk yiknëtsajpxäjy, tim ntsë’kypy ë’ts ja putëjkën pa’ts ja nnëky nkïyäkwä’äny

Jawyeen nyiknïtëwët tii ja ncredencial ja y’awänäx wyä’änwä’äny, kuts të najäwë kutam ka’a tsyëkyë mä ja putëjkën yikawänë, wïnets ka’ap ja nnëky nkïyäkt

Amënyë ë’ts ja ncredencial ja y’awänäx nkïyäjkkëjy

Pïnï mnajäwïwyampy sutso xyikëyët ja amaa’tskäjtën ayuujk kuttëjë mä yi pe’k nëakeets

¡TË MËJATÄ'ÄKY!

A’ts jä’ättë'p ja jää’y mkäjpkijxy jïts mtamïawänïyët ja putëjkën miti ja mkäjp mïtunïyëp, pa’ts tsyëkyë ku xyiknïtëwët jawyeen pïnï kutunkäjtëp ja’a, jatë’n sämë ja nïkäjpxën nïmatyääjkën mitina tyunkjëëjpä’tëp. Më’k x’amto’ot ja amaa’tskäjtën ayuujk jïts wan twïnjo’otstë ja nëky miti y'ejxkäpp ku me’ts ja mnïkäjpxën mnïmatyääjkën ka’pxy yikpëjkjë’ëkt.

MYIMAKoXKPË JÄJTËN KUPAJTËN

Jam mni’kxy mä ja meeny yikkoojnji’iky yikanuu’kxy, kuts me'ts ja mja’a xyiknëawä’ätswä’äny jawyeen ja mwïnpo’k yiknïejxu’ut jïts naytë’n ja mkËtsä’äjx (mne’kx jë nyikkejpxu’ut). ¿Ti mtum’p?

Jam mni'kxy CONDUSEF jïts x’a’ts najäwët ti tyijypy ja mne’kx ja nyikkejpxu’ut jïts tiij ja meeny anuu’kxpë ja tyikwä’änwä’äny

Ka’a xkuppiky ja’akëjxp ku ka’a xnajäwë jati’ts jatë’n tyuu’yë'ëy

Mkuppi’kypy ja’akëjxp ku puyji’iky mnäxwä’äny jïts mïpi’kypy sääj ja anuu’kxpë wyä’äny

Mkuppi’kypy ja’akëjxp ku xpawïnmay ku jatë’n iiy ja meeny nyëawä’ätst

¡TË MËJATÄ'ÄKY!

Pïnï mjääk najäwïwyampy susto ja mne’kx ja nyikkejpxu’ut nyapyikyë mëët ja meenyanuu’kxpë, tëkkë mä ja CONDUSEF tnëmatyä’äky yä’ätpë wïnmää’ny. Ïxyääj kuttejë

MYITUTUJKPË JÄJTËN KUPAJTËN

Pujxjëtypy myikmïkajpxy jïts myiktamïawänë ja wenkpë tsopääjtën ku mkäjpxt, pïnï mkuppi’kypyts miti yikawää’nëp jawyeen xkëyäkt ja mnïkäjpxën mnïmatyääjkën, wïnets me’ts…

Ka’a xnëatsowë ja mnïkäjpxën mnïmatyääjkën jïts ne’ekë xtsimy a’tsyiknïtëwë mä ja too’ktääjk

Mnïatsoo’wë’p ja mnïkäjpxën mnïmatyääjkën ja’akëjxp ku të x'ëyjäwë ja tsopääjtën

¡TË MËJATÄ'ÄKY

Jam mni’kxy mä ja too’ktääjk jïts myiktukmatëy ku ka’ap ja’apë tëëky t’awänëtë. Nukë të myikwïniiny jajp pujxjëtypy. Jää’myats ku yä’ätpë wïnëën’k wïnjaa wïntsojk tyunyë. Ëy myiktamïawänët ja meenypyatsëmpë, ja jemy pyiktä’äky (ejxëm tu’uk ja pujx), u’k ku ja mmeeny pujxjëtypy të yiktajuy. Ejxwïtet koowïtet, käjpx ne’ekë jawyeen jam mä ja mmeeny yikkoojnji’iky jïts xnajäwët pïnï jantsy ja'a miti myiktukmatoop.

Kuttejë ïxyääj jïts m'ukt

Tii jaty mnïkäjpxën mnïmatyääjkën jaaj

• Mjumëjt - Ka amääypyë nïmatyääjkën
• Mä mtsëënë - Ka amääypyë nïmatyääjkën
• Pën mtsëkya’typy - Amääypyë nïmatyääjkën
• Yikjujkyäjtpë mïpëjkën- Amääypyë mnïmatyääjkën

Nänknapyäätë mitijaty mnïkäjpxën mnïmatyääjkëna’typy jïts tiij ja tyijypy. Yiktunkpäät yi tajää’ny jïts xwïnkeetst yi nëky. Ku m’apäätët jïts xnajäwët pïnï ka’pxy të x’atsëy, kuttejë jatïkoojk yi tajää’ny jïts ka t’u'k u'knët yi nëky, jïts jatyi xkuttejët mä yi tuu’wääpë.

Ja 90 sekuntënet ja atsoojëmpejtën yikyäkt

Amääypyë nïmatyääjkën

Mjumëjt

Ka amääypyë nïmatyääjkën

Mä mtsëënë

Jää'y jë y'amääypyë nïmatyääjkën

Pën mtsëkya’typy

Jää'y jë ka amääypyë nyïmatyääjkën

Yikjujkyäjtpë mïpëjkën

¡XONTÄÄJKËN!

Të’ts ïxaaj xnajäwë susto x’exyet ja mnïkäjpxën mnïmatyääjkën ku ëmääj myikamto’ot. Ëëts ja wäätsoojën npïktakypy jïts xyiktunkpäät ja putëjkën ku tsyokkët. Ïxaaj mä jatu’uk yi akonpäk myiktukejxwä’äny sutso xmïtapyäät.

Kuyät jatïkoojk

Mëj kuttujk miti yë’ëpë wïnmää’ny nyimatyakypy:

• Ley General de Salud
• Ley Federal de Protección de Datos Personales (LFPDP)
• Ley General de Protección de Datos Personales en Posesión de Sujetos Obligados (LGPDPPSO)
• Ley General de Transparencia y Acceso a la Información Pública (LGTAIP)

Ïxaaj myiktukijxy määj u’k sutso ja mnïkäjpxën mnïmatyääjkën x’exyet:

Kuttujk jë y'akonpäk miti nyimatyakypy yi LFPDP:

• Art.1:payë’ëyën jïts nëtukki’iyi nmëëtäjtënt ja awä’ätsäjtën ja payë’ëyën samë näxwii’nyët jää’y.
• Art.6:payë’ëyën ku yu'utsy ja njujkyäjtën nyikyë’ëwyää’nyëm.
• Art 16:payë’ëyën ku X’ejxwä’änt, Xyikajemyiwyä’änt, Xyikatukwä’änt u’k ku Ka’a X’u’kkuppëjknë jïts ja mnïkäjpxën mnïmatyääjkën yikmëëtät (ARCO).

¡të mtÏkëy!

Të yi mnïkäjpxën mnïmatyääjkën tsyeppä'ty