proteccion de datos personales triqui

DÀJ DŪGUMÎN’ MŪ’ÛN’

RASUN AGA’ SĪKÀ’ RÀA

GĀ

Gayi’î

¿Dà’ dūgumîn darân da’ ni’i güi ñun?

Si gāhue huin na güi gamîn gahue gini’i ‘ngō sun hiaj rè’ ne si huin ‘ngō sa huîn ruhuâ rè’. ‘Ngō sa dahui nani’i’ huîn si nej dukua sun niko dahui nej si dugumîn nej si daràn nej ñanj amîn rayi’i rè’, dàj’na nej dukua sun hûa ruhuâ ‘ngō yuman’ an dahui nej si dugumîn nej si nej darân da huân ‘ngō ñanj amîn rayi’i re. ¡Nitaj gā a’ngō dahui gatàj huîn si dahui rè’ gī’hia rè’!

¿Huîn si anïn ruhuâ so gā amîn da’ dugumîn darân ngo ñanj amîn rayi’î naj?

Sa gataj ruhuâ huîn si dahui gini’i huîn nej güi ne si dukua sun, rasûn si yugui’ nej si ‘ngō ñanj amîn rayi’î. Darân ‘ngō ñanj amîn rayi’î nej, man sa’ mân’ gahue si ñan anet atsij’i, ne hue mân san’anj an, nej si huîn na a‘ngō hiuj garasûn nej si danj, nī gā’ue garasûn nej si, ni se da’ gāchin’ na’a nej si sò. Güendâ dan’ dahuî gini’i da gā’ue gamîn akïnj si nitâj si rasûn ue’e nej si darân nej ñanj amîn rayi’î.

Nej yinïn nuguan nataj ahuîn

*Da’ go’ ‘ngō nej gahue gatoj huin ngo nuguan amîn rayi’î hui sa a’i doj. Hiuj na gā’ue gini’i huîn yinïn huâ.

Nej nuguan’ ai’i huâ

Nej nuguan’ nitaj si a’i huâ

• ‘Ngō si correo rè’
• Huîn si digiñûn rè’
• I’aj sun rè'
• Huîn si ruhuâ rè' gahuîn rè'
• Da taj si yugui dukua gono’o’
• Hio’ huâj rè’
• ‘Ngō CURP
• Huîn hiuj ne’ rè’
• Ñanj duhuà’ rè’
• Dànga’ ahuit rè’ riñan ñanj
• Ñanj duhuâ dëj ro’o’
• RFC
• Nej huîn rè’
• Da huân ne’ rè’

• Huîn si gui’nij yinïn huîn
• Huîn si gui’nij yinin nït
• Da huâ ‘ngō yinïn tûn niko’

• Si hiaj ue’e ràn
• Da' anïn ruhuo' rayi'î:
• Nuhui
• Da anïn ro' gā
• Da amîn güi

• Huîn yinïn ruguñunj
• Huîn si garan ruhuât nī’i

Hiaj nī huâ huatân yinïn nuguan nī dahuî nagui ‘ngō. ¿Huâ yugui dà dugumîn darân nuguan amîn rayi’î rà’?

Gayi’î

Nuguan’ sinïïn

¿Rugüi’ ‘ngō sun gi’hiaj su a‘ngō yuman’ an nī dahuî ga’anj ¿Huîn nej ñanj nikaj huâj nī ne nun sa mân hiâ’ nan?

Mân si credencia nika nat nan’àn, nī nu’ huî sanī ni’i nej nun mân anj.

Darân danj nika na’, nī nun ranka mân, nī gahue gīni’iaj huîn na güi gamîn nan’ anj.

¡Nari’ rumîn!

Guchit nej huâj, ‘ngō sa ginun ruhuât huîn si ngàj’ gā’anj a‘ngō hiuj nī si gataj darân danj ga’an, dadïn se si ni’i si huâ hue’e ‘ngō hiuj nej guchit. ** Gā huâj a‘ngō hiuj dugunat huâ ginikaj ‘ngō ñanj gā’ue gataj ahuîn **

Nuguan’ Hui’ij

Hiaj nī ruhuâ garasûn internet, gā ruhuâ garasûn man nī, achin man ga’i sa dahuî ganachraj, nī hiuj da dahuit ni’iaj hue’e huîn nej sa dahuî gara’yinat (gā’ue si gīni’iaj darân güi) nitaj ngàj a‘ngō gā’ue ni’iaj( dahui nej si gachîn ni’iaj nej si riñan. ¿Huîn ‘ngō si hiâ na’?

Ahiaj da dahuî dugumîn sa dusij, sanī nitaj si anïn ni’iaj güi sa mân hia mân

Ahiaj da’ dahuî dugumîn sa dusij, sanī anïn nihiaj huîn na güi gamîn na’ anj

Nitaj si a’iaj dadïn nitaj si huîn ruhûa mân, gā’ue huîn na güi gamîn nihiaj sa dusij na’ anj.

Nitaj si a’iaj sanī, nitaj si anîn ni’iaj a‘ngō güi man.

Gā nahuît riñan internet, ahuîn ‘ngō nuguan nī tâ’ si ruhuâ nachra saa’ nej hiuj nahuît. Nī gā rayinaj darân nej sa nahuîn inaj man riñan ne aga’ sīkà’ ràa. Guendâ dan nī si garâj’ yinat nachra sa’a.

¡Nari’ rumîn!

Ñan’ anj huâ ga’ia darân ‘ngō sa dahuî gara’yinat gā rasûn aga’ sīkà’ ràa, dadîn huîn na’ güi gahuîn gā’ue dusij nej si duyinga nej sa man hiat, güendâ dan dahui ganïn hue’e ruhuâ da dugumîn sa man hiat.

Nuguan’ hua’nïn’ïn

Gāyi’îj uta amân ni nitaj si rugui si gachîn rañanj mân, ni ayi’î yakaj gane’e net nej rè. ¿Nī’i rè’ nej nu sa’ darân dàn rè’ nī?

Huinï’i nej nu sa’a hiâj man.

Nu’ sa’a ruhuâ ‘ngō naj’ nī nu ruhuâ ‘ngō naka’aj hiâ’ â.

Gā’î hiuj nu sa mân hiâ na’ anj

*Dugunaj huâj si gimàn sa’ dàn ruhuâ ‘ngō naj’ dadîn gā huâ ‘ngō sañun’ nī gā’ue gida’a nī nikaj man gan’anj.

¡Nari’ rumîn!

Uta gamân, nī gā’huî yi’î dukuat, sanī nej dan nītaj ñunj gira’anj dadîn gunukuat guida’â nī nikaj gan’anj màn. Guedâ’ dan ña’anj huâ nigi’ij nej nu sa’ daràn dan.

Nuguan gâ’anj

Gayi’î diuj huâ nej güi nahuî ginikaj sun riñan nej dukua sun niko, nī tâj nej si gunîn rè’ si gā ‘ngō sunu’u ruhuà yuman’ an, mân ngō sa achîn nej si huîn ngō ñan duhuâ dan rè’ credencial.¿Huîn si i’aj rè’ gā nachîn nej si?

Nī gachîn gatu’ si ñan sun nī gā hiâ sun ñunj gā si, nī nitaj akïn huân si gahuij’ man.

Nahuî’ güendû si ruhuâ nej si garasûn nej si, si credencia da gatûj nej si nan sun, sanī huâ hue’e ‘ngō sun gā ruhuâ yuman’ an ni rayinat naga’ui’ si credencia.

Nahuî’ güendû sini’ si yanga ni’ñanj ne sì si credencia da gā’ue gahuîn ‘ngō sun taj nej si, sanī se yanga’ ruhuât. Güendâ dan nitaj si ahuî ra’a nej si.

Yaka ahuî si crendencia, gā’ue garasûn nej si da garân ruhuâ nej si.

Ruhuâ rè’ gini’i nej rè’ doj nī.

¡Nari’ rumîn!

Nej diuj na nī, gā’ue guchi nej güi nahuî su’un, nī gataj si gunïn rè’, si gā ‘ngō sunu’u ruhuâ yuman’an, sanī ñan’anj huâ si nahuî güendû si huâ ‘ngō sun nika nej si. Gahuê gachij nan’an rè’ riñan nej si da nikaj dadu’ nej si gā darân daj rè’

Nuguan un’unj

Gā’anj gachîn nan ’aj hue’ ñan mân sa’ sa’an da’ gā’ue ganïn sa’ doj, sanī nari sî ñan dahuât, dangà ra’a, chruj ne riñanj ¿Huîn si hiaj gā hiaj si dan na?

Nitaj si aran yinaj’ dadïn huinî’i huîn si gi’iaj nej si ruhuâ nej si man.

Gahue gachîn’ na’anj riñan ‘ngō dukua sun gunat CONDUSEF, huîn si gi’iaj nej si gā darân sa achin nej si riñan.

Ra’ yinaj din’ïn dîn niñanj nej na’nïj sa’a si sa’anj na’anj.

Ra’ yinaj din’ïn dadïn si guruhuâ nī nitaj a‘ngō hiuj gā’ue na’nïj sa’a si san’anj man

¡Nari’ rumîn!

Da gā’ue gini’i huîn si gataj nej si ruhuâ nej si gā nari nej si danga ra’a, nī chruj ne riñanj, nī mî güendâ gini’ñanj nej si màn. Ruhuâ guinī’i doj â

Nuguan’ guâtanj’anj

Nahuîn ra’a ‘ngō nuguan riñan telefono, dadïn huâ nahuîn ra’â ga’i sunun taj si, sanī dahuî ga’ui si yugui, ne net, da gunat, nī a‘ngō naj nuguan, sanī sò’...

Nitaj si rayinat gahuî darân sa achin nej si, nī sa i’aj huîn si, hua’anj gachin’ nan’anj hiuj taj nej si sì gamîn nej si sò’.

Ahuî darân nej sa achin’ nan’anj nej si ñunj.

¡Nari’ rumîn!

Guchit nī taj ne si gunit si nitaj nuguan huâ daj huâ hiuj dan.‘Ngō nuguan diga’ñunj huînGinun ruhuât si uta mân güi mân si amïn nī riñan telefono da gā’ue giri nej si sa’anj ruhuâ nej si. Huamîn sa gui’ri’ rà’ nej si sani man ‘ngō nuguan diga’ñunj huînSi guyumân ruhuâ ni nikaj güendâ si ga’an nej hiuj taj nej si sì gamîn nej si sò’ si huâ ‘ngō si nun sa’ hiaj hiuj dan.

Nej yinïn nuguan’an

Guru’man ra’a hiuj naj da gā’ue guru’nu’ rà’

Hiaj nī nana’ui nej nuguan nikaj dugui. gā’ue garasûn nej lapiz na, riñan aga’ sīkà’ ràa na. Gā gana’ui nī, nasij nihiaj si nachra hue’e, si nitaj , gā’ue nanikaj ñunj nachra. Daj gā’ue gahui nī ruma ra’a ñun nej huâ danga nà’ anj

• Hio’ huâj- Nitâj si a’i huâ man
• Hiuj net’- Nitâj si a’i huâ man
• Huîn si garân ruhuâ ni’î- Sa a’i huîn.
• Huîn nuhui huâj- Sa a’i huîn

Ganahuîj doj nī guanī nachin’ nitaj si nachra hue’e rà’

Nuguan a’i huâ

Hio huâj

Nuguan’ nitaj si a’i huâ

Hiuj net’

Nuguan a’i huâ

Huîn si garân ruhuâ ni’î

Huîn nuhui huâj

Nuguan’ nitaj si a’i huâ

¡Nari’ rumîn!

Hiaj nī gā ni’î da huâ rayi’î nej nuguan na, ni da ahuî yi’î sò’, nī da dugumî mā’ān’ Hiaj nī gā’ue gachin nihiâj hiuj na, din huâ ga’i yinïn nej nuguan gā’ue guini’ñanj ga huâ sa ni’ñanj rè’.

Duku ñunj ruhuâ rà' rà'

Hiaj nī gā’ue gahia’ da gā’ue dugumîn nej yinïn nuguan taj â’huîn râ.

Nej ley amîn da dugumîn mū’ūn’:

• Ley amîn rayi’i dukua gono’o
• Ley amîn da dugumîn darân nej ñanj amîn rayi’î(LFPDP)
• Ley amîn da dahuî nej dukuà sun’un nej si a‘ngō güi dugumîn nej si nej nuguan amîn rayi’î (LGPDPPSO)
• Ley amîn si huâ guendo’ gini’î da i’aj sun nej darân nej dukua sun niko (LGTAIP)

Nej nuguan amîn da dugumîn mū’ūn’LFPDP:

• Art.1:Dā dahuiî gā gānet huîn ‘ngō güi.

• Art.6:Amîn da gānïn ganet.

• Art 16:Amîn si huâ guendo’ ni’iaj nī si garaj’ yinaj ‘ngō sa nitaj si huâ hue’e güendâ. (ARCO).

¡Huîn nari’ man!

Darân sa man hiâ' gahue gā ni'hia' mân