Kaugiañ

Kaugiañ shitiya shalda

EMPEZAR

Ji guaka

Jalde kaltaki múldigaba muldetua jian zukuagakualdixa shalda kuistuapani, ekíga na ezuakue jiaga ai zhinik ga shitya akualdinik kauwisanakue shaxaldiyapaka akualdixa. Ekíki axautshi sanakue jiaga kalta shitiya akualdiamak, múldigaba jiba akbeyakuamak. Guatshak miya zhinik kaugiañ akldé shiyatika naldakí, aiki jalde kaltak zhinik jian shitiyakue naldaldixa.

Jate Atanasio Bolaño

Kaugiañ

Múldigaba kaugiañ sakí guashi ijuizbenaldixa, guatshiga kaiga uñguexa zalgueñ teizhuwañ za zukuaxa nalgué. Guake nabija, ubañki teizhuwañgaba za kezukuaka naldeniki, "káguba ga guñgueniki kágaba ga ni gu- guajeniki, zʉñkazhoxaldiamak kaiga kogui, kogui “nikualda”, nek nigukú. Guatshake kogui ga nigukú, ixaugi- ixau ni gaku azhi zakú. Kaiga zʉñkazhoxa naldixa "aki amagui" sei dunagui” guagatshake muñzega noxeñga “ ekí na kakukaxa “ awi gama gui” ekí na nasʉñ kakukaxá, “akawise” múldigaba teizhuwañ, káguba zʉñkazhuka kakukaxá” niwi gama gui” Ekí na jaba zʉñgakuxa,"akawisé” zaxe ldulda " aseya seyú” múldigaba ekí na zʉñkaldaldá.

Múldigaba anuñka ishkabuñka

Jalde múldigaba sakí ishkabuñka tuakaldixa, anuñka kaugia zʉñkaldá.

Júbaldaxa

Ju= (juwí) balda= abunzhí ( mashi guashi) xa= abunzhí (mashi guashi)

+info

Axezhoxa

Jika saldiñga nalda axeteñkaldegaba nakna ai shalda gakuagatshak “axezhoxa” jibakbeji gakuaka. Aikueki ekí naldaka: Manta, piyu, zumeya, jagi, akl.

+info

Agatsé guaka

Sakí agatsé shalda guaka: atema, agatse, nusagatse, shane, maksagatse, atema, abaksʉ...

+info

Axezhoxa shakua

01

Axezhoxa shakua tsaldi: jibakbeñkakue anuñka nañga: nas, ma, e, nasʉñ, maiñ, ekue.

02

Axezhoxa shakua mielde guaka, azhi mashi. Mielde ne guakakueki ekí naldaka: ejié, jejié, tuejié, jalde, tualde, uñkualde, úñgexalde, jéxalde

03

Axezhoxa shakua metshi ne guaka: nají, mijí, ají, nauwijí, mimijí, kauwijí.

Atshá

Atshá sakí kaugiañ jibakabeñka tuakualidixa, múldigaba sha sha ayushixa, anuñka ishkabuñka. Naldatshak jai akldé kaugiañ jiba akbeñka tuakualdixa, ai matsuwi nalda atshá shalda ne nañga. Ekí ne naldaka: supeshi, zushi, zubeji, tañgui, sañgui, zukuji..

+ info

Atshá shalda guaka

Atshá shalda guaka atshák agapa izhogatshak ezuañgaba atsha shalda guashi múldigaba izhgayone naldaldixa. Ne anuñka atshá shalda guaka nañga. Sakí atshixa tuñshixaki jekí naldaka: mija, señgabá, ekí, muldetua...

+ info

Múldigaba zhikbiñguxa

Axezhoxak akyokuekue ekí jiaga jiba axaldaldaka. Aikuejañki mozhua múldigaba ishkaldalshixakue nak kalshizha jana “múldigaba zhikbiñguxa” axeteñkalde. Aikueki ekí naldaka: zhinik, zalda, na(ñga), shalda, jana, sʉkldi, stak, abakaldak, asáñkaldak, akueni, ataba, atezhak, aldesañ, alduán....

+info

Múldigaba zhikbuñguxa

Ezua agatsamak guaka múldigabakueki mozhua múldigaba zhikbuñgua nuxa jiba axaldé. Aikueki jaldekue:

na, azhi

• ¿Ji mauldeyaldixa? Nají baka na nají buldu na uldeyaldikue.
• ¿Mielde miklduná? ¿Nitashí azhi panezhaldia?
• Mebák Shisa na asukuá na gexáldi nitshí ni guñgú.

Múldigaba kaugiañ sakí guashi

Jalde múldigaba kaugiañ sakí guashi ijuizbenaldixa, guatshak uñguexa zalgueñ teizhuwañ za zukuaxa na nane. Atshak baxeñki askimi teizhuwañ zukuaxa za naldéñ, naldena nabija. Ubañki teizhuwañgaba za kezukuaka naldenikna, káguba ga guñgueniki, kágaba ga ni gu- guajeniki, zʉñkazhoxaldiamak kaiga kogui, kogui “nikualda”, nek nigukú. Guatshake kogui ga nigukú, -"ixau ni gakú azhi zakú, kaiga zʉñkazhoxa” aki amagui” sei dunagui” guagatshake muñzega noxeñga “ ekí na kakukaxa “ awi gama gui” ekí na nasʉñ kakukaxá, “akawise” múldigaba teizhuwañ, káguba zʉñkazhuka kakukaxá” niwi gama gui” Ekí na jaba zʉñgakuxa, "akawisé, zaxe ldulda aseya seyú” múldigaba ekí na zʉñkaldaldá.

Kaugiañ kalta gauwa

Jalde nasʉñ kaugiañ kalta gauwa guakualdiamak nauwjí celular ga, sakí ezuak kalta agakauwa nexaldixa nak janaktuñkalde. Ekíki jibañ naldaki kalta tuakualdixa nasʉñ kágaba gexaldi katshekue.

+info

Akuakldeñka zhinik

Teclado kogui, 2022. https://play.google.com/store/apps/detailsid=com.tavultesoft.kmapro&pcampaignid=web_share

Tecla kogui

Celular ga kalta sakí gauwakue naldaldixa sezheklde.

Metshi guaka

Axezhoxa metshi guaka: nají, mijí, ají, nauwijí, mimijí, kauwijí.

• Nají kalta tuwi
• Mijí misi nakldunaka
• Mimijí shanta matshuwi tunuge
• Nas mauzeñ kauwijí bakakue tual ne nuge.
• Maizeñ nají jubeju zhigatunuge.
• Nasʉñ jalde kagiañ mijí shinu tual nitshigazhá.
• Maiñ nauwijí jubuju tual neyakue miñgatsé.

Axabuñka

Múldigaba sakí ishkabuñka: Nixaldikue Axaldi= asigí ( mashi guashi) nixa= abunzhí (zulda guashi) kue= asigí ( nas guashi)

Atshá shalda akldé guaka

Aikueki ezua atshá axaldé zhinik nakldekue “ajauxal,” “zubaldal” naldatshak ezua agatsamak nek axaldaldakldegauxa jiaga axaldaldaka: atshixa, agisane, mitsák, mashi jiaga guagaka, jekí:

Nanija ni guxal nenaldeni maldeñgaba nak.Sikuja uldi niyal nene nzha.

Múldigaba zhikbiñguxa

Axezhoxak akyokuekue ekí jiaga jiba axaldaldaka. Aikueki ekí naldaka:

• Kuíbuldu zhinik nak.
• Jiúñgulda gueni misà atema aklduka.
• Nuwí jagi sukldi kue nzha

Mashi izhuka guaka

Ai jiaga axezhoxaga ne ekí gakuaka: jai, aiga, uni, eni, jeni.

• Nas kañ jai jamaxak sha noshi kalta zukuakshatonuge.
• Mebák zhinik uni kalta nakualdák ezua aldibuldu.
• Nají kalta eni nekibexa makualdi.

Axazhoxa

Axezhoxa nekueki anuñka jiba axaldaldaka: atshixa, agisane, ai shaldaga guaka, sakí agatsé, jik, mashi, mitsá, mitsaga, mielde.

Bakaki kaldá zaxa nakldá.baka=atshixa kaldá =agisane (zaxa nakldá= atshá)

Axazhoxa

Atshá shalda guaka

Ai katuatshak ekí tunazùnaka: “meji” (ak-) axabunatshak “akbeji” neklde. Ekíga “neñshi” (ak-) axabunatshak “akldeñshi” neklde. Aikueki nauwa sha guashi naldaka, jekí:

Pegulduja juldi sesʉ ge Peguldaja ajabak sesʉ agé.

Sakí agatsé guaka

Kaljumshi janshagatse tunuge kaljumshi janshagatse = agisane janshagatse = sakí agatsé tunuge = atshá (nas = atshixa)

Axazhoxa axaldáñ

Axazhoxa tsaldi

Jalde axazhoxa axaldáñ guaxa, jinak zhinik ekí naldakí. Saldiñga axaldáñ mixaldégaba guashi, azhi ezuak jika axaldégaba nak ekí guaka.

Ezua zeñga akldé negatshake “nasʉñ”. Mozhua zeñga akldé negatshake “maiñ”.Maigua zeñga akldé negatshake “ekue”. Jalde mitsá zeñ, azhi mitsá negatshake sakí guagakue akldé zʉñgajienaldiamak ekí tunazʉnaka: