Ebaluazio hezitzailea_Alaitz Alegria

UBIDEAK B1

Ebaluazio hezitzailea

aLAITZ ALEGRIASUSPERREGI

Ebaluazio hezitzailea by Alaitz Alegria is licensed under CC BY-NC 4.0

Aurkezpenaren atalak

1.- Ikas-egoera eta haren justifikazioa

2.- Ebaluazio-irizpidea

3.- Ebaluazioaren izaera

4.- Ebaluazioaren faseak

5.- Atzeraelikadura

6.- Baliabide digitalak

1.- Ikas-egora eta haren justifikazioa

• Jakintzagaia: Euskara eta Literatura
• Ikas-egoera: Baietz gustatu!
• Testuingurua: Irakurtzeko zaletasunak hainbat onura dakartza, bizimodu hobea barne. Nola sortu irakurtzeko gogoa? Eta irakurtzeko asmoa baldin badugu, nola aukeratu gustuko liburu bat? Non? Zeri erreparatu?
• Abiapuntua: Gazteak motibatzeko, onena liburua ikasleek eurek aukeratzea da. Guk lagunduko diegu. Lehen bi ebaluazioetan irakurritako liburutako batean oinarrituz, talde txikitan, Booktrailer bat prestatuko dugu.

• Azken ekoizpena: Booktrailerra

2.- Ebaluazio-irizpidea

5.1. Testu idatzi eta multimodal errazen idazketa planifikatzea, komunikazio-egoera, hartzailea, helburua eta kanala kontuan hartuz; zirriborroak idaztea eta berrikustea, berdinen arteko elkarrizketaren eta kontsulta-tresnen laguntzaz; eta azken testu koherenteeta kohesionatua aurkeztea, erabilera sexista eta diskriminatzailerik gabeko erregistro egokiz.

+ info

3.- Ebaluazioaren izaera

• Jarraia: Ebaluazioa hezitzailea eta jarraia izango da. Ikaskuntza-prozesu guztian zehar ikasleen zailtasun eta aurrerapenekin lotutako informazioa sistematikoki bildu eta erregistratuko dugu helburu bikoitzari erantzuteko: batetik, irakasleon esku-hartzea ikasleen beharretara doitu eta egokitzeko; eta, bestetik, ikasleen jarduna hobetzeko. Izan ere, irakasleon helburua ikasle bakoitza bere mailarik gorenenera iristea izango da.
• Pertsonalizatua: IDU markoari jarriki, jarduerak ebaluatzeko erabiliko ditugun baliabideak (digitalak zein aurrez aurrekoak) eta uneak askotarikoak (hasierakoa, garapenekoa eta amaierakoa) izango dira, baita moduak ere (auto, hetero eta koebaluazioa; kuantitatiboki zein kualitatiboki). Horrela, ikasle bakoitzari, burututako ataza hobetzeko edo sakontzeko kontuan hartu beharreko aholkuak eta atazaren alderdi positiboak ere helaraziko eta ikusaraziko dizkiogu. Bestalde, metakognizioa ere bultzatuko dugu, ikasle bakoitzak bere ikas-prozesuan zehar izandako indargune eta ahulguneen kontzientzia har dezan.

+ info

3.- Ebaluazioaren izaera

• Kooperatiboa: Irakaslea ez da izango ikasleen ebaluazio prozesua aurrera eramango duen bakarra. Ikaleen esku-hartze aktiboa bultzatuko dugu. Beraz, ohiko heretoebaluazioaz gain, auto eta koebaluazio jarduerak ere egingo ditugu. Zertarako? Bada aurrez ezarritako ebaluazio-irizpide eta oinarrizko-jakintzei begira, ikaslea bakoitzak eskuratu duen lorpen-mailari erreferentzia egin, eta burututako ataza hobetzeko edo sakontzeko kontuan hartu beharreko aholkuak eta atazaren alderdi positiboak ere helarazteko.
• Konpetentziala: Ikasleek euskarazko komunikazio egoerei ahoz zein idatziz arrakastaz aurre egiteko euskarazko hiztegia eta egiturak ezagutzea ez da aski. Horiek erakusteaz gain, komunikazio-estrategiak erabiltzen ere trebatu behar ditugu; ulermen mailan, testuak behar bezala ulertu eta interpretatzeko; eta, adierazpen mailan, koherentziaz eta zuzentasunez komunikatzeko. Hortaz, ebaluatuko ditugun ebidentzietan ere landutako "testuak interpretatzea" eta "sortzeko gai izatea" hobetsiko ditugu.

+ info

4.- Ebaluazioaren faseak

Sumatiboa (zertifikatzailea)

Garapenekoa (hezitzailea eta hezigarria)

Hasierakoa (diagnostikoa)

5.- Atzeraelikadura

• Ikaslearen prozesua, jarduna eta ekoizpenak aztertu eta atzeraelikadura (feedback) eraginkorra emango diogu. Hau da, ikasleari ataza edo jarduera burutzean ez diogu notarik edo kalifikaziorik emango, ohar edo iruzkin kualitatiboak baizik. Ohar horien bidez, aurrez ezarritako ebaluazio-irizpide eta oinarrizko-jakintzei begira ikasleak eskuratu duen lorpen-mailari erreferentzia egiteaz gain, burututako ataza hobetzeko edo sakontzeko kontuan hartu beharreko aholkuak eta atazaren alderdi positiboak ere helaraziko dizkiogu.
• Une eta modu ugari erabiliko ditugu ohar edo itzulketa horiek helarazteko: hasierako fasean, garapen fasean zein amaierakoan; bakarka, talde osoari zuzenduz, autoebaluazio edota koebaluazio bidez; era informalean (klasean bertan sortutako elkarrizketen bidez) zein formalean (audio bidez, fitxategian idatzitako iradokizun eta ohar bidez, Classroomeko iruzkin bidez edota koadernoan).
• Prozesua eraginkorra izateko, ikasleari guk emandako atzeraelikadura aztertu eta jarduera hobetzeko hartu beharreko erabakien inguruko hausnarketa egiteko eskatuko diogu lehenik, eta, ondoren, beharrezkoak diren aldaketak egin eta lana berriz entregatu beharko du. Azken entrega hori ere kontuan hartuko da atazari dagokion kalifikazioa ateratzeko.

5.- Atzeraelikadura

• Hasierakao fasea:
• Lorpen-adierazleak eta ikaskuntza helburuak argitu eta partekatu.
• Booktrailerraren aurretiazko ezagutzak jasotzeko Google galdetegia. Atzeraelikadura automatikoki jasoko dute ikasleek.

• Garapen fasea:
• Ebidentziak jaso, interpretatua eta ikaskuntza arrakala identifikatu (ahuleziak eta indarguneak): gidoiaren heteroebaluazio eta irudi, musika eta soinuaren autoebaluazioa.
• Erabakiak hartu.
• Amaierako fasea:
• Ikaskuntza arrakala itxi: ikasleek helburu diren ebaluazio-irizpideei begira gutxieneko lorpen-maila eskuratu dutela ziurtatu.
• Azken ekoizpenen auto eta koebaluazioa; eta, azkenik, hereroebaluazio.

+ info

6.- Ebaluazioa egiteko baliabide digitalak

• Hasierakao fasea:
• Google galdetegia.
• Garapen fasea:
• Gidoiaren heteroebaluazioa: digitalki, ikasleek Classroomen bertan entregatutako fitxategian bertan iradokizunak idatziz eta audio bidez (Vocaroo).
• Soinu, musika eta irudienaren autoebaluazio: Classroomen entregatu beharko duten kontrol-zerrenda betez.
• Amaierako fasea:
• Azken ekoizpenaren auto eta koebaluazioa eta heteroebaluazioa: Google galdetegi bidez.

Eskerrik asko

Metakognizio-jarduera (II)

Ikaskuntza prozesuaz hausnartzeko, ikaskuntza bitakoran honako galderak erantzungo dituzte:

• Ereduak aztertu ondoren zer ondorio atera ditzakezu?
• Bat al datoz booktrailerren inguruan zenituen aurrezagutzak aztertutako ereduetan identifikatu ditugun ezaugarriekin?
• Ikaskideen gidoiak koebaluatu ondoren, besteengandik zerbait probetxugarria atera al duzu?
• Zein alderdi/ prozesu/ ataza suertatzen ari zaizkizue zailenak? Eta errazenak?

Garapenekoa

• Aurreprodukzio fasea:
• Gidoiaren heteroebaluazioa: Irakasleak talde bakoitzak idatzi eta Classroomen entrgatutako gidoia ebaluatuko ikas-egoeraren hasieran azaldutako kontrol-zerrendako irizpideak erabiliz. Bertan ohar kualitatiboak ere egingo dituzte.
• Musika, soinu eta irudien autoebaluazioa eta heteroebaluazioa: Talde bakoitzak ordura arte Driven bildutako soinu, musika, irudi eta eszenen autoebaluazioa egingo du Google galdetegi bidez. Ondoren, gauza bara egingo irakasleak. Galdetegian agertuko diren irizpideak ikas-egoeraren hasieran azaldutako kontrol-zerrendakoak izango dira.

Metakognizio-jarduera (III)

Ikaskuntza prozesuaz hausnartzeko, ikaskuntza bitakoran honako galderak erantzungo dituzte:

Azken ekoizpenaren eta ikas-egoera osoaren balorazioa eskatuko zaizu oraingoan:

• Zer ikasi duzue?
• Nola ikasi duzue?
• Ikas- edo komunikazio-estrategia berriren bat deskubritu duzue? Erantzuna baiezkoa bada, beste zein egoeretan uste duzue izango zaizuela baliagarria?

Metakognizio-jarduera

Ikaskuntza prozesuaz hausnartzeko, ikaskuntza bitakoran honako galderak erantzungo dituzte:

• Zertan uste duzu izango dituzula zailtasunik handienak? Zergatik?
• Zer egingo duzu zailtasun horiei aurre egiteko?

Amaierako fasea

• Azken ekoizpenen auto eta koebaluazioa: talde bakoitzak bere eta beste talde baten booktrailerra ikusi eta koebaluatuko du Google galdetegi bidez, hasierako fasean ikasleei azaldutako kontrol-zerrenda oinarri hartuta.
• Ikasleek ikaskideen aholku eta oharrak kontuan hartuz lana hobetzeko aukera izango dute.
• Behin-betiko ekoizpenaren ebaluazioa: irakasleak egingo du (heteroebaluazioa).

Hasierakoa

• Girotze-jarduerak: Irati filmaren kartela eta booktrailerra aztertuz ikasleen interesa piztu eta haien aurretiazko ezagutzak jasoko ditugu. Nola? Solasaldi bidez.
• "Zer da booktrailerra?" Classroomen Google galdetegia erantzungo dugu. Testu multimodal honi buruz zenbat dakigun ezagutzeko autobaluazio jarduera izango da. Feedbacka automatikoki emango da.
• Azken ekoizpena, hura ebaluatzeko erabiliko diren ebaluazio-irizpideak eta kronograma azalduko ditugu.