O GATIPEDRO

O GATIPEDRO

O Gatipedro vén de noite ás casas, e entra naquelas onde haxa nenos durmindo. Unha vez dentro, o Gatipedro usa o corno para soltar, pouquiño a pouco, pingas de auga nas habitacións onde dormen nenas e nenos pequenos. Os nenos e nenas, en soños, escoitan o constante goteo do corno e soñan que mexan, e realmente mexan, mollando a cama. Para evitar que entre nas habitacións dos nenos, basta con botar un pouco de sal nas portas da habitación e ao pé das xanelas. Dado que o Gatipedro camiña apoiándose na lingua, nota o sabor do sal, que lle desagrada, polo que se dá a volta e segue a súa camiñada nocturna, sen molestar o soño dos infantes.