Autoebaluazioa eta koebaluazioa_Ubideak B1

Auto eta koebaluazioa

Ubideak Ebaluazioa B12. modulua

Jardueraren deskribapena

Irakurritako liburu baten booktrailerra egin beharko dute ikasleek, ikus-entzunezkoek sare sozialetan duten arrakasta aprobetxatuz, irakurleak erakartzeko. Horretarako:

• Liburuaren edukiari (pertsonaiak, gaiak…) buruzko hasunarketa eta iruzkinak egin beharko dituzte.
• Ikus-entzunezkoaren ezaugarriak kontuan hartuta, bideoa sortuko dute, modu originalean.
• Hitz gakoak aukeratuko dituzte, sintesi lan batekin, liburuaren esentzia deskribatzeko.
• Zuzentasun gramatikala eta ortografikoz idatziko dute.

Ikasleei helarazteko bidea

Gelako jarduera bat izango da booktrailerra baloratuko duen errubrika bera aztertzea; ebaluazio irizpideak ikasleekin partekatzea ezinbestekoa da ebaluazio hezigarrian. Era berean, irizpide guztiak ulertzen direla ziurtatuko dugu. Errubrikak bost irizpide jasotzen ditu eta mailaketa kualitatiboa egiten da:

• OSO EGOKIA
• EGOKIA
• OINARRIZKOA
• DESEGOKIA

Aldi berean, ebaluazio kuantitatiboa eskaintzen du, irizpide bakoitzaren ponderazioa zehazten baita bukaerako kalifikaziorako. Dena den, errubrika egiteko erabili den Corubrics gehigarriak (Google) nota hori ikasleei ez bidaltzea ere ahalbidetzen du.

Galdetegia balorazio tresna

Booktrailerra baloratzeko galdetegia korreoz iritsiko zaie ikasleei. Horrela egin ahalko dute:

• Autoebaluazioa: galdetegian norberak aukeratu beharko du bere izena eta egindako lanari buruzko bere balorazioa egin.
• Koebaluazioa: irakasleak aukeratuko dituen bikoteak kontuan hartuta, ikasle batek beste baten lana baloratu beharko du.

Datuen bilketarako tresna

Kalkulu orria erabiliko da ikasleek eta irakasleak emandako balorazioak biltzeko. Corubrics-ek aukera anitz eskaintzen ditu datu horien erabilerarako. Zeregin honetako 2. dokumentuan ikusiko ditugu adibide praktikoak.

Belén Aberasturi Eizagirre