A Avaliación Psicopedagóxica

A AVALIACIÓN PSICOPEDAGÓXICA

Según a lexislación en Galicia

REGULACIÓN LEXISLATIVA

COMO SE SOLICITA

COMo se leva a cabo

CONCEPTO E FINALIDADE

REVISIÓN, INFORMACIÓN E ARQIUIVAMENTO

COMPETENCIA E RESPONSABILIDADE

CANDO SE LEVA A CABO

O INFORME PSICOPEDAGÓXICO

Defínese como un proceso sistematizado de recollida, análise e valoración da información relevante do alumnado, do seu contexto escolar, do contorno sociofamiliar e dos elementos que interveñen no proceso de ensino e de aprendizaxe. A finalidade da avaliación psicopedagóxica é a identificación e a acreditación do desenvolvemento persoal e social, das competencias adquiridas e das necesidades educativas que poida presentar determinado alumnado, para poder fundamentar e concretar a resposta educativa ás súas necesidades, por exemplo:

• Recursos e apoios específicos
• Modalidade de escolarización
• Medidas de atención á diversidade
• Orientación educativa e profesional.

Na avaliación psicopedagóxica haberá que recoller información sobre os seguintes aspectos:

• O alumno/a: datos físicos, de saúde, desenvolvemento, historia escolar, nivel curricular, competencias, intereses, motivación, ... .
• O seu contexto escolar.
• O seu contexto sociofamiliar.
• Concluír se se trata dunha alumno/a con necesidade específica de apoio educativo, e especificar o tipo de necesidade específica de apoio educativo que presenta.
• Concretar as orientacións para a intervención educativa.

Os instrumentos a empregar serán variados de propios da orientación educativa:

• Probas psicopedagóxicas, tests estandarizados e cuestionarios.
• Observación en diferentes contextos.
• Entrevistas.
• Análise do seu expediente e das súas producións escolares.
• Informe do equipo docente.
• Achegas da familia e profesionais que o atenden.

SOLICITUDE: A avaliación psicopedagóxica pode ser solicitada, cando se cumpra algunha das situacións anteriormente descritas, por:

• O profesorado titor/a.
• A dirección do centro nos casos de alumnado en proceso de admisión.
• A Administración educativa.
• A propia xefatura do departamento de orientación.
• Os pais e nais ou titores legais do alumnado.

PROTOCOLO DE DEMANDA: Con carácter xeral, a avaliación psicopedagóxica iniciarase a partir do correspondente protocolo de demanda, concretado nun documento elaborado pola xefatura do departamento de orientación, o cal pertencerá o Plan de Atención á Diversidade. No caso de que sexa necesaria a intervención dos especialistas dos EOEs, a xefatura do departamento de orientación, co visto e prace da dirección do centro, solicitarao á Xefatura Territorial de Inpección Educativa mediante un modelo formalizado, adxuntando unha copia do informe psicopedagóxico. AUTORIZACIÓN: As nais, os pais ou as persoas titoras legais do alumnado deberán ser informadas da realización da avaliación psicopedagóxica, así como da súa finalidade, dos resultados e das posibles orientacións ou propostas de actuación. Destas informacións quedará constancia escrita.

REVISIÓN DA AVALIACIÓN: O informe psicopedagóxico ten carácter revisable e actualizarase nos seguintes casos:

• En calquera momento da escolarización do alumnado, cando se produzan modificacións significativas da súa situación.
• Ao comezo de cada etapa educativa.

INFORMACIÓN DA AVALIACIÓN: A xefatura do departamento de orientación informará o profesorado titor, ó alumno/a, e ós seus pais ou titores legais dos resultados e das conclusións da avaliación psicopedagóxica realizada, así como da proposta educativa que se derive desta. Os pais/ nais e titores legais poden solicitar unha copia do informe psicopedagóxico por escrito á dirección do centro docente. O centro docente facilitaralles copia do informe solicitado; esa entrega consignarase no rexistro oficial de saída do centro e deixarase constancia escrita da recepción por parte da persoa solicitante, no expediente da alumna ou do alumno. CONFIDENCIALIDADE: Os informes psicopedagóxicos teñen carácter confidencial, polo que levarán esa indicación en todas as páxinas. ARQUIVAMENTO DO INFORME: O orixinal ou unha copia auténtica arquivarase no expediente escolar da alumna ou do alumno.

A avaliación psicopedagóxica do alumnado é competencia e responsabilidade da xefatura do departamento de orientación do centro docente, coa colaboración e o asesoramento, de ser necesario, do equipo de orientación específico correspondente. Nos casos que proceda, a devandita avaliación será realizada directamente polo equipo de orientación específico

O informe psicopedagóxico é o documento no que se recollen os resultados e as conclusións da avaliación psicopedagóxica. A elaboración do informe psicopedagóxico compete á xefatura do departamento de orientación do centro docente no que estean matriculados o alumno ou a alumna obxecto da avaliación psicopedagóxica, ou, de ser o caso, a do centro para o que solicita praza. Neste ENLACE pódese obter un modelo de informe psicopedagóxico según a lexislación vixente.

A avaliación psicopedagóxica, tamén denominada avaliación psicoeducativa, está regulada nos artigos nº 13, 14, 15, 16, 17, 18 e 19 da ORDE do 8 de setembro de 2021, pola que se desenvolve o Decreto 229/2011, do 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia nos que se imparten as ensinanzas establecidas na Lei orgánica 2/2006, do 3 de maio, de educación. O informe psicopedagóxico está regulado nos artigos nº 20, 21, 22, 23 e 24 de dita Orde. ENLACE á Orde do 8 de setembro de 2021.

Débese realizar Avaliación Psicopedagóxica nos seguintes casos:

• Cando existe algún tipo de discapacidade, trastorno ou circunstancia que afecte o seu desenvolvemento xeral, así como a súa aprendizaxe.
• Se existen indicios de altas capacidades intelectuais.
• Se os resultados da avaliación inicial deban complementarse con esa avaliación.
• Se se prevé a necesidade dalgunha medida extraordinaria de atención á diversidade que require, previamente, esa avaliación, por exemplo ADAPTACIÓN CURRICULAR ou FLEXIBILIZACIÓN, entre outras.
• Cando se prevé a necesidade de recursos educativos complementarios ou apoios especializados de difícil xeneralización.
• Cando hai que elaborar ou modificar o ditame de escolarización.
• Cando, por circunstancias excepcionais, a Administración o require.