B1 Irakasleen gaitasun digitalak

Eusko Jaurlaritzaren Lanbide Heziketako Sailburuordetza

1.A ataza: Komunikaziorako testuingurua

Ikastetxe barruko kideekin: Ikastetxearen antolakuntza mailako komunikazioa, orokorrean, posta elektronikoaren bidez gauzatzen da. Zuzendaritzak bide hau erabili ohi du ikastetxeko kideekin komunikatzeko eta mintegien arteko harremanak ere bide honetatik izan ohi dira. Izan ere, oso zaila da beste mintegiko irakasle baten ordutegia ezagutzea berarekin aurrez aurre noiz hitzegin ahal izango dugun jakiteko eta praktikoena posta elektronikoz komunikatzea da. Gainera, horrela beste pertsonaren denborak eta lanaren antolaketa errespetatzen ditugu era asinkronoan kontsultatu eta erantzun dezakelarik gure mezua. Aurrez aurreko komunikazioa beharrezkoa den kasuetan ere, elkartzeko tarte egokiena adosteko posta elektronikoa erabili ohi dugu. Mintegi barneko kideen artean ere, posta elektronikoa da komunikaziorako tresna nagusia aurrez aurre elkartu ezin garenean nahiz eta askotan, Whatsapp bidez komunikatzen diren gai batzuk bizkortasuna lortzeko helburuarekin.

1.B ataza: Elkarlanerako testuingurua

Ikastetxean Google Drive bitartez egiten dugu lan eta hori da irakasle-taldean elkarlanean erabiltzen dugun plataforma nagusia. Mintegiko unitate partekatuan ditugu dokumentu amankomunak eta hori da elkarlanerako testuingurua kasu gehienetan. Oso tresna lagungarria da bakoitzak bere ordutegiaren arabera lan egin dezakeelako dokumentuetan eta momentuan aldaketak guztion eskura daude. Gainera, komentarioak jartzeko aukera ematen du eta elkarlana koordinatu daiteke modu horretan.

Horrez gain, ETHAZI metodologian lan egitean, irakasle ezberdinek erronkatan parte hartzen dugu. Kasu horietan, elkarlanerako testuingurua, ikasle zein irakasleen artean, Google Classroom izaten da. Tresna honen bitartez, dokumentuak partekatu daitezke ikasleekin eta beraiek bidalitakoak antolatu, irakasle guztien eskura daudelarik.