Genially sin título

Une gogorrak dira, tristeak. Aita, aitite, joan egin zara, utzi egin gaituzu, baina, esaten den bezala, norbait ez da erabat joaten jendearen oroimenean jarraitzen duen bitartean, ahazten ez den bitartean, eta zu aita, aitite, beti biziko zara gure artean, beraz, ez gaituzu erabat uzten.Une tristeak dira, baina atsekabean ez geratzea erabaki dugu, zurekin partekatu eta irakatsi diguzun guztia poztasunez bizi eta gogoratu nahi dugu. Zu, aita, espero dugun aitarik onena izan zara, munduko aititerik onena, eta ezagutu zaituztenentzat lagun handia eta pertsona paregabea: positiboa, baikorra, eskuzabala eta konprometitua; beti errepikatu izan diguzu: "zauden tokian zaudela, badago zertan lagundu". Eta zu horren adibide ona izan zara: auzoan, eskolan, parrokian... Pena handiz bizi izan dozu euskaraduna ez izatea baina guk euskaraz hitz egin dezagun eta euskal kultura iturritik edan dezagun ahalegin guztiak egin dituzu. Langile nekaezina eta apala beti, inoiz ez diezu garrantzirik eman zure lorpenei, zure arrakastei, eta besteenak baloratu dituzu. Inoiz ez dizugu hitz itsusirik edo besteekiko mespretxagarririk entzun, miresgarria zara. Beti gure bihotzetan, aita, aitite!!