Lily eta Joe

Lily eta joe

LILY ETA JOE MARKOS UNTZETA

1 lilyren ihesa

2 phillipPE moreau,krokodilo ehiztaria

3 joe merkatuan

4 lily merkatuan

6 joe lilyren besoetan

5 lily eta joe hizketan i

7 lily belardian

8 lily eta joeren ihes betea

10 phillipek joe aurkitzen du

9 phillip eta joeren arteko eztabaida

12 voodoo gaua errekan

11 joe errekan behera

14 lily eta joe hizketAN ii

15 LILY MENDIALDIAN

16 LILY ETA JOE

13 alligator

LILYREN IHESA Open D, 4th fret/B/96bpm

Errekara noa norbait hil dudalako, Eta beldurra daukat, bakar-bakarrik nago. Ez nazatela gelditu, odoletan ditudalako blai eginda eskuak, gero eta gorriago. Errekara noa, barruaK lasaitzeko hara joan beharra daukat, bertan ezagutu nuen Joe.

Errekara noa, ziztu bizi-bizian, oraindik gogotik kendu ezinda nabilela gizon haren begi biak zabal-zabal ustekabean labana sartu niola bihotzaren erdi-erdian. Madarikatua! Ez diot barkatuko horrela kendu izana beti-betirako nire Joe.

Lily dut izena, eta erreka inguruan merkatuan daukat saltzaile postutxo bat. Noragabe ibiltzeaz nekatuta nengoela baneukan norekin hasi bizimodu berri bat. Errekara noa, eskuak garbitzeko hara joan beharra daukat, bertan ezagutu nuen Joe.

PHILLIPPE MOREAU, KROKODILO EHIZTARIA Standar minor C#, cappo 5th/F/90 bpm

Phillippe Moreau da nire izena, krokodilo ehiztaria. Erreka inguru hauetan dago nire erresuma. Amua eta kordela dira nire tresnak, Jainkoak erruki ditzala pizti gizajoak! Joe morroia eta biok ezartzen dugu hemen legea, aurre egingo digunik ez da jaio oraindik munduan!

Joe morroia hazi nuen ume-umetatik errekan haur jaio berria zela aurkitu nuela behin batean. Phillippe Moreau da nire izena, krokodilo ehiztaria. Ilargi gabeko gauak ditut maiteenak.

JOE MERKATUAN Open D, cappo 2nd fret/A/69bpm

Phillippek esan zuenean zoaz, Joe, hirira amua eta kordela berriak erostera, nola pentsatu orduan aurkituko nuela merkatuan lore zuri fin eta politena? Soinurik ez nire ahoan nola hitzik jarri bada? Orratzak gelditu ziren dorreko erlojuan.

Amua eta kordela ba al dituzu postuan? azkenean galdetzeko gauza izan nintzela, haren begien barruan laku sakon garden bat ikusi nuen orduan bertan murgil nendin zain. Uraren hotzak ninduen barrualdeak lasaitu. Sentitu nuen bakeak oraindik irauten du.

LILY-K JOE EZAGUTZEN DU MERKATUAN Open D, cappo 5th fret/G/11o bpm

Joe nire postura etorri zenean amua eta kordela nagusiarentzat erostera, ilargi bi ziren haren begiak ahotik ez zetozten hitzak ordezkatzen zituztenak. Zulo bi begira, zulo bi begira.

Esan nion: zatoz hona nola duzu izena? Joe dardarti bat antzeman nion dantzan ezpainetan. Nik Lily dut izena erantzundakoan mendeak zirudien une bat zabaldu zen gure artean. Zulo bi begira, zulo bi begira. Ilargi bi ziren hotz eta urrunak. Ilargi misteriotsu liluraz beteak.

Elkarrekin joan ginen buelta bat ematera, esan zidan bizi zela erreka inguruan. Gero isilik geratu zen nire ondoan eserita, hain gustura nengoen niri so nituela zulo bi begira, zulo bi begira.

LILY ETA JOE HIZKETAN OpenD, cappo 2nd fret/E/96 bpm

Esan iezadazu Lily, zure jaio herrian nola dira gauzak erreka inguruan? Ezerk irauten du, edo, hemen bezala, dena ihesi dihoa?

Urak daroan bezala azalean itsatsita distira zuri hori zeu ere joango zara? Konta iezadazu Lily, entzun nahi dut eta, zure istorioa.

Esan iezadazu arren, jakin nahi dut eta, ba al dago ur eremu laku edo erreka non ehizatzen diren krokodiloak ilargi gabeko gauetan?

JOE LILYREN BESOETAN Standar E minor, cappo 5th fret/C/63 bpm

Lily hel nazazu beso artean, gaua luze doa eta hotza daukat. Egindako hautuak ez dauka atzerik, patua hautsita betirako dirudi. Belztu zaigu odola zainetan, begira, belztu zaigu ere ura.

Hel nazazu beso artean, hau al da, Lily, betiko gaua?

Lily hotza daukat hezur muinetan, negua heldu da gordin errekara. Hontzek bota dute azken kukua, urak geldi daude basoa isildu da. Taupadarik ez bihotzean, gurean, eten al zaigu dena?

LILY BELARDIAN Open D, cappo 3th fret/86 bpm

Entzun hontzaren ulua zuhaitz artetik ihesiean. Lily, ezpain heze horien laztan gorriak dira nire zainetan behar dudan odola.

Egon zaitez geldi Lily zauden tokian, biziz betetzen dituzu nire begiak modu horretan etzanda belardian zaudela.

Lily, lore zuri hori, nire begiak biziz betetzen dituzu horrela etzanda belardian zaudela.

LILY ETA JOE IHES BETEAN Open D, cappo 3th fret/F/110 bpm

Lily, nire ametsean zelai zabal batean, trostean libre zebilen zaldi bat agertzen zen. Joe hondartza luze bat zegoen nirean, kresalak zipriztindutako eguzki izpi artean. Goazela nahiz eta inork inondik ere emango ez lukeen txakur txikirik ez gure alde

Joe, goazela elkarrekin beste nonbaitera, erreka honek eman dizkigu emateko zituenak. Pelikanoa udan nola bere sorlekura, mugi gaitezen biok mendebaldeko uretara. Goazela nahiz eta inork inondik ere emango ez lukeen txakur txikirik ez gure alde.

Lily, ihes bete honen atarian gaudela, odola bizi daukat piztuta zainetan. Gurpil hauek hego bilakatu zaizkigula, goazela elkarrekin beste nonbaitera. Goazela nahiz eta inork inondik ere emango ez lukeen txakur txikirik ez gure alde Joe kontatu diezaiogula elkarri azken gauean izandako amets hori.