Preposición

PREPOSICIÓN

Clase de palabra INVARIABLE que funciona como ENLACE e pode presentar diversos valores semánticos.

LOCUCIÓN PREPOSITIVA: combinación de termos que actúa como unha preposición.

Morfoloxía

PREPOSICIÓNS: a, agás, ante, até, após, baixo, cabe, con, conforme, consonte, contra, de, deica, desde, durante, en, entre, excepto, fóra, mediante, para, perante, por, sacado, salvo, segundo, sen, so, sobre, tras LOCUCIÓNS PREPOSITIVAS: alén de, antes de, a partir de, a pesar de, a prol de, a respecto de, a través de, á diferenza de, á parte de, ao lado de, ao son de, canto a, cara a, conforme a, co gallo de, co fin de, con base en, con relación a, debido a, de acordo con, encima de, en relación con, en vez de, grazas a, por causa de, por mor de, por vez de, tocante a

Preposición A

Forma parte dalgunhas perífrases, mais está ausente en IR + INFINITIVO.

Introduce CC, SUPL, CI ou CD. No caso do CD, só rexe a preposición "A" nos seguintes casos:

• Con pronome persoal: Coñézoa a ela desde a infancia.
• Con nome de parentesco próximo con posesivo sen artigo: Fotografou a seu pai.
• Con nome propio: Onte vin a Sariña.
• Cando o SUX e o CD van despois do verbo: Defendeu o avogado ao acusado.
• Cando o CD precede o verbo: A esa rapaza escoiteina falar na radio.

Preposicións ATÉ/DEICA

Comparten o mesmo significado espazo-temporal, mais con diferenzas.

ATÉ: indica a fin de algo no espazo ou no tempo. Foi até a casa de Ana. DEICA: de aquí a. Expresa unha distancia no espazo ou no tempo. Deica a cima resta 1 km. Deica logo.

Preposicións CONSONTE/CONFORME/SEGUNDO

Nunca van seguidos da preposición A.

Preposición CARA A

Rexe sempre a preposición A. Indica dirección e movemento ou localización imprecisa no espazo ou no tempo.

Preposicións A PARTIR DE/A PESAR DE

Non poden flexionarse nunca, son invariables e están gramaticalizadas.

SINTAXE

ENL de FR.PREP, a cal pode funcionar como MOD de FR.SUBST, FR.NOM, FR.ADX ou FR.ADV. Dentro da cláusula pode funcionar como CC, SUPL, C.AX, CD, CI...

SEMÁNTICA

Distintos valores dependendo do contexto. Poden indicar: lugar, duración, modo, tempo, distancia, compañía, inferioridade, anterioridade, orixe, dirección, provación, causa ou finalidade.