Galdera ikurrak

MENUA

MENU NAGUSIA

'Galdera ikurrak' ko-sorkuntza prozesuak hainbat ardatzek osatzen dute. Ezagutu itzazu:

KO-SORKUNTZA

ONGIZATEA

OINARRIAK

AURKEZPENA

Farapi eta Medialaben arteko elkarlanaren gakoak.

Nerabeekin egindako hausnarketa- prozesua.

Zergatik eta zertarako egin dugu prozesu hau?

Proiektuaren testuingurua eta nondik norakoak ezagutu.

+ Ikusi

+ Ikusi

+ Ikusi

+ Ikusi

azala

Kredituak

AURKEZPENA

Proiektu hau Medialab Tabakalera eta Farapi Koop. Elkartearen artean garatu da, kezka partekatu bati bide emateko helburuarekin: nerabeen partaidetza aktiboa haien subjektu izaeratik, eta ongizatearen gaia plaza publikora ekartzeko beharra. Bi erakundeon arteko elkarlanaren inguruko hausnarketa kritiko eta eraikitzailea ere bideratu nahi genuen, eta ikaspenak partekatu ahal izatea. Arantzazulabeko “ko sorkuntza esperimentuen lehiaketa” irabazi zuen proposamenak, eta horri esker, garatu ahal izan dugu. 2021eko abendua eta 2022ko azaroa bitartean garatu da. Prozesuaren momentu batzuetan, Idophoteren kolaborazioa ere izan dugu.

OINARRIAK

Sormena eta irudimena.

Ongizatea birpentsatu.

Hizkuntza eta adierazpen era anitzak baliatu.

Nerabeak subjektu izan.

Partaidetza modu berriekin esperimentatu.

Elkar entzutea etako-gobernantza.

Eraikuntza kolektiboa.

Pertsonen bizipen, amets, esperientzietatik.

Farapi eta Medialaben arteko ko-sorkuntza.

Prozesu ikuspegitik.

NERABEEKIN ONGIZATEAZ HAUSNARTZEN

Hausnarketa-prozesua hiru nerabe talderekin egin dugu:

Lasarteko taldea

Peñafloridakotaldea

Eguzkitzako taldea

(Argazkigintza eta collageak)

(Fanzineak)

(Bideo-jolasak eta fanzineak)

Saioen ondoren, solasaldi saioa antolatu genuen, erakundeekin batera:

saioaren gakoak ezagutu

EGUZKITZAKO TALDEA (IRUN)

Eskolaz kanpoko orduetan bildutako taldea izan da, jarraikortasunez hiru kidez osatua (bi mutil eta neska bat), eta momentu batzuetan, 5 kideraino iritsi dena. Bi saio egin dira ikastetxean, ongizateari buruzko lehen bizipenak eta esperientziak partekatzeko, eta Medialab Tabakaleran erabiliko zituzten sormen baliabideak definitzeko. Medialab Tabakaleran, beste bi saioetan, kide bakoitzak aukeratutako baliabidea erabili zuen ongizatearen inguruko elementuak adierazteko: bideo jolasak eta fanzinea. Azkenik, haien ikastetxean egindako lanketak aurkeztu zituzten, ikaskideekin ongizatearen inguruko solasaldirako abiapuntu moduan.

Prozesua ezagutzeko, ikusi bideoa:

argazki-Galeria

PEÑAFLORIDAKO TALDEA (DONOSTIA)

EUSLE taldea da, Euskal Herrira etorri berriak. 10 kideko taldea, 6 neska eta 4 mutil. Klase orduetan, bi partaidetza saio egin ziren, ongizatearen gaia eta lan prozedurak kokatzeko, eta proiektuarekiko atxikimendua eta talde dimentsioa lantzeko. Ondoren, Medialab Tabakaleran beste hiru saio egin ziren, fanzineak landu eta elkarrekin partekatzeko. Amaitzeko, ongizatearen inguruko eduki nagusiak identifikatu eta haien ikasgeletan aurkeztu zituzten, ondorioetan sakonduz.

Fanzineetan landutakoa ezagutzeko, ikusi bideoa:

argazki-Galeria

Lasaiago ikusi nahi dituzu panelak? Hementxe dituzu:

panelak ikusi

LASARTEKO TALDEA

10 kidez osatutako lagun koadrila bat izan da, 9 neska eta mutil bat.Haien espazio naturaletan (jardin batean eta elkarte batean), hiru saio egin ziren, ongizatea lantzeko teknika bisualak erabiliz. Lehendabizi, bizipen pertsonalak eta talde esperientziak gurutzatuz, ongizateari lotutako gakoak identifikatu ziren; ondoren, telefono mugikorrekin ateratako argazkien bitartez, haientzat ongizatea zer zen adierazi zuten (bi momentu desberdinetan). Irudi hauen esanahiak, pertsonaletik kolektibora pasatuz, ongizatea haientzat zer zen landu eta adierazi zuten collage eta panelen bitartez.

Prozesutik ateratako ondorioak ezagutzeko, ikusi bideoa:

argazki-Galeria

Lasaiago ikusi nahi dituzu panelak? Argazki-erakusketa birtuala ikusi:

erakusketa birtuala

SOLASALDI SAIOA

2022ko urriaren 25ean, solasaldi saioa antolatu genuen Medialab Tabakaleran. Bertan, nerabeek, haien subjektu izaeran, egindako lana aurkeztu eta ongizaterako zer behar zuten azaldu zieten gaian ardura duten eragile publikoei (ongizatea, osasun komunitarioa, buruko osasuna, partaidetza, ko-sorkuntza, berdintasuna eta aniztasun alorrekoak, besteak beste). Bi nerabe taldeek elkar ezagutu eta bizipenak partekatzeaz gain, erakunde publikoetako ordezkariekin solasaldirako aukera izan zuten, politika publikoetan nerabeen ongizatearen gaiari bultzada emanez.

KRONIKA IRAKURRI

Zer esan zuten partaideek saioaren amaieran?

Nerabeak: “Espresatzeko espazioa”. “Entzunda sentitu naiz”. “Ikuspuntu ezberdinak”. “Protagonistak izan gara”. “Errealitatea”. “Berdintasuna: Gazteak eta helduak berdinak izan gara gaur”.

Erakundeetako ordezkariak:“Gazteen altaboza izan behar gara, eta ez ahotsa. Haiek badute haien ahotsa”. “Erronka: gazteentzako komunikaziorako espazioak sortzea eta bermatzea”. “Mugitua eta eskertua sentitzen naiz”. “Helduok atzerapausoa eman behar dugu”. “Aniztasunaren erronka”. “Erantzun partekatua”. “Lehen urratsa”. “Eskuzabaltasuna, nerabeek haien esperientzia partekatu izanagatik”. “Oparia”. “Espazioak sortzeko beharra”. “Kezkatuta, ardura sentimendua”.

argazki-Galeria

KO-SORKUNTZA

Prozesu honen beste ardatzetako bat Farapi eta Medialaben arteko elkarlanerako ko-sorkuntza espazioa izan da:

Zer behar dute nerabeek ongizaterako.

Nerabeen partaidetza aktiboa lortzea.

Nola definitzen dugu lan egiten dugun pertsonen kolektiboa.

Nola landu ongizatearen gaia.

Nola erabili sormen baliabideak helburuei erantzuteko.

Komunikazioa eta dokumentazioa.

Elkarlanerako ko-sorkuntzarako gakoak.

Blog sarrerak irakurri: