Articulu cridenze

Dui mondi annant’à una sola isula

E cridenze d’un populu

Indice

Introidu

Dui Mondi

L''altru mondu

I vivi

Conclusione

Musica

Introitu

Dapoi qualchì settimana, avemu fattu ricerche nantu à e cridenze ch’esistanu in Corsica, è puru in lu Mediterraniu. Ancu s’è a sucetà di cunsummu s’impatrunisce, ci ferma qualchì fola, lighjenda è cridenza di a sucetà archaica di i nostri anziani. Per ste ricerche, ci vulia à studià u nostru rughjone, in giru à noi. Emu dunque sceltu a Balagna.

Indece

Dui mondi

Inde sta sucetà antica, ritruvemu dui mondi: - u nostru mondu, quellu di i vivi; - è l’altru mondu, induve si ritrova “persunaghji”; Trà mezzu sti dui mondi, c’hè un persunagiu impurtentissimu, u Mazzeru. Questu quì, face a lea trà i dui. Hè una persona nurmale ch’è vo pudete cunnosce, ma chì a notte inde u so sonniu, sunnieghja quellu và à a caccia, franca un fiume è tomba un animale. Girendu u so capu, vede quellu d’un omu, o d’una donna, chì ha da morre da quì a trè ghjorni o un annu. Oghje in Balagna, stu persunagiu forse n’esiste più o puru ùn si ne sente più parlà. Cù u Mazzeru, u Strigone sò i soli à esse trà un mondu è un altru.

Indece

I vivi

Da u nostru lattu, ritruvemu a nostra zia o mammone ch'hà u putere di caccià l’ochju, queste quì si chjamanu e Signadore. Ancu oghje, l’ochju hè sempre assai cunnisciutu è trasmessu di leva in purleva.L’ochju face parte di e prighere chì s’imparanu di natale, trà i doci colpi di mezzanotte per a Balagna, chì imparemu più prestu, ma in u restu di a Corsica, pudete piglia u vostru tempu avete tutta a nuttata per amparale, è ancu sin’a u 31 di dicembre in certi paesi. E prighere sò per currà u male o una penna cum’è e brusgiature, a sciatica è i varmi. D’altre persone anu u putere di leghje inde e spalle, questi chjamati Spallisti o a pace, ponu leghje inde spalle d’agnelli per sapè l’avvene di u pastore.

Indece

I vivi (seguita)

In più di sti puteri, ognunu pò lampa una ghjastema, cù una sola infrasata, pudete petrificà qualchissia, cum’è a spusata in altu di Vicu. Vi parlemu di a storia di quella chì fù petrificata dà a so mamma dopu una ghjastema. Mancava di respettu, era gattiva… alora chì a mamma avia sempre fattu tuttu ciò ch’ella pudiva per a so figliola. Dopu à avè incuntrattu un signore, chì li dumandava a so mane, st’ultima a pigliatu tuttu ciò ch’ella l’avia a mamma in casa, ùn l’hà mancu basgiata nanzu di parte cù u so bellu signore prumessu. Pigliata di rabbia, a brava mamma lampa una ghjastema! Eccu a storia di queste petre in altu di vicu. E storie o fole, sò state inventate per imparà, allivà, i zitelli, imparenduli a manera di campà in lu rispettu. Esistanu cridenze, chì oghje sò inde u nostru cutidianu, cum’e quella d’ùn fiscia a notte o tutti l’usi per i morti.

Indece

L’altru mondu

Di l’altra parte, simu quì inde e storie, e fole… ind’u mitu! À chì ci crede, à chì ci crede micca. Noi ci cridemu: Ùn durmite sotta a figa, dice u veghju pastore, attenti à i scappucioli! Ste criature morte nanzu à esse stati battisati, chì parenu fiscia sotta a fica. Attenti à e Strege! Mettite una spiglia inde u veculu di u vostru zitellu, ùn s’hà cuntà che sin’a 3. C’hè dinò a Squadra d’Arozza: s’è un ghjornu, a nebbia vi fala addossu è virite una prucessiò: mettite un cultellu in bocca per difendevi, mane ind’u spinu è mettitevi contra un muru o in tarra. S’è qualchissia sorte di a prucessiò pè davi una candella, ùn la tuccate! Sinò site lecci. L’ultimu persunaghju, hè u Lacramantu, ellu pienghje è nimu pò cunsulalu.

Indece

Conclusione

Tutti ci “persunaghji” parenu escuti d’un libru di lighjende. Ma qualche generazione nanzu à noi, ùn eranu lighjende, tuttu u mondu ci cridia, è c’era un rispettu per tutte ste cridenze. Oghje u mondu hà scambiatu, ùn c’hè forse più a piazza per tutte e cridenze d’eri, pò una mundialisazione face chì, usi cum’è Halloween, venenu à scambia e nostre tradizione. Si pò cunnosce senza crede, ma ùn si crede senza cunnosce. Oghje in Balagna, sicondu à e nostre ricerche, poccu sò cunnisciute. Ùn reste quasi che l’oghju, mancu una storia di petrificazione. Certi c’anu dettu: “I Mazzeri? N’esiste micca in Balagna! Ùn ci ne mai statu.”. D’altru c’anuu dettu: “Forse l’ultimu Mazzeru ricolle à u seculu 1800”. Per u restu, ùn vi ne parlemu… Piccatu…

Indece

Lamentu di u Mazzeru - Diana di l'alba

Indece