A.P Project

Mga Pagbabagong naganap dahil sa pagkolonisa ng europe sa south at western asia.

Politikal

Malaki ang epekto ng kolonyalismo sa modernisasyon ng India sapagkat naitatag ang isang sentrelisadong pamahalaan, at nagkaroon ng mga hukbong sandatahan ang mga bansa sa Asia para magpatupad ng katiwasayan at katahimikhan. Ang kolonyalismo ang nagdala sa Asia ng mga bagong kaisipan tulad ng demokrasya, nasyonalismo, at konstitusyon mula sa Europe. Ang mga mananakop ang nagtayo ng mga admininstrasyon para maging mahusay at maayos ang pamamahala ng kolonyang bansa. Subalit hindi nabigyan ng pagkakataon ang mga katutubo para sa tama at wastong representasyon sa mga institusyon. Ito rin ang nagdulot ng masidhing kompetisyon ng mga makapangyarihang bansa sa Europe.

Ekonomiko & Sosyo - Kulural

May maganda at hindi magandang epektong pang - ekonomiko ang kolonisasyon sa Asia. Ang imperyalistang bansa ang nagtatag ng mga industriya sa mga kolonyang bansa para kumita ang mga mananakop subalit naging daan ito para industriyalisasyon ng mga kolonya. Ang mga mananakop ay nagtayo ng mga sistema ng pagbabangko, komunikasyon, at transportasyon, para lalo pa nilang mapakinabangan ang mga yamang likas ng kolonyang bansa. Ang mga mananakop na Europeo ay nagpakalat ng paniniwalang ang kulturang kanluranin ay mas maunlad kumpara sa mga kultura sa Asia at Africa kaya ito dapat na maging modelo ng pagunlad. Ginamit ng mga mananakop na British Divide and Rule sa India na humantong sa pagkakahati ng India. Hindi naman naging masama ang pagbabagong kolonisasyon. Tumaas ang dami ng kalakalan sa pagitang Europe at South at Western Asia.

Teknolohiya

Nagkaroon ng limitadong technology transfer mula sa Europeo patungong Asia dahil sa kolonisasyon . Ang mga mananakop ay nagtayo ng mga riles , mga daungan, at iba pang impraestraktura sa Asia sa kadahilanang mas higit na mapapakinabangan ang mga ito para lalong umunlad ang pagbiyahe ng mga produkto mula Asia patungong Europe at gayundin ang mga produktong mula sa Europe ay mas madaling mailuluwas sa India at iba pang bahagi ng Asia.