Entervista Baptista Labenne

Intervista exclusiva dab Baptista Labenne

Baptista Labenne qu'ei lo cantaire, guitarista e co-fondator deu grop Boisson Divine e qu'a acceptat de respóner a las nostas questions

Nos : " Quaus son las vòstas inspiracions ? " B.L : " Qu'èm un grop de Heavy Metal, dab influéncias d'Anglatèrra e deus Etats-Units e la polifonia pirenenca. Qu'avem ua energia Punk-Rock. " Nos : " Ei ua passion tà vos de cantar ? " B.L " Qu'èi dejà responut ad aquesta question ! Ahaha ! Tiò, qu'ei ua passion, cantar e la musica n'ei pas un mestièr. "

Nos : Quin e on avetz après a parlar gascon ? B.L : " Qu'èi après lo gascon en tot legir las paraulas dens los liberets de las cançons, en escotar lo monde a parlar tanben ( lo men pairbon dab lo vesin, etc..." Nos : " Perqué lo grop e s'apèra atau ? " B.L : " Dens las nostas purmèras cançons ( escriutas en francés pr'amor ne sabèvam pas enqüèra parlar gascon ), los mots " boisson ", " divine " e " Boisson Divine que tornavan hèra sovent. E benlèu e poderèm ara causir un nom de grop en gascon. Mes atau qu'ei e ne podem pas tornar har l'istòria. " Nos : " Despuish quan e parlatz gascon ? "

B.L : " Qu'èi començat de parlar gascon quan avèvi 14 - 15 ans e de plan parlar, a 17 ans. " Nos : " D'on vos ei vienguda l'enveja de començar de tocar e d'apitar un grop ?" B.L : " Ahaha, que s'ei hèit hèra naturaument. N'ensajavam pas vertadèrament de har quauquarren com un grop. Qu'avem tostemps hèit musica e quan ns'èm encontrats au collègi de Riscla dab Adrian ( bataira deu grop e co-fondator deu grop ) qu'avem començat de tocar amassa. E puish un dia, que ns'èm avisats qu'avèvam de qué har un album. Puish que nos a près....5 ans abans de sortir Enradigats. "

Lo grop en concèrt a L'OCTAv' Vic de Bigòrra, lo 14 de Deceme de 2019 - Le groupe en concert à L'OCTAV à Vic en Bigorre, le 14 Décembre 2019

B.L : " Quiò ! A pena arribats davant l'endret on i avèva lo concèrt, los Japonés qu'èran ahuecats ! Los tipes qu'avèvan los camisets deu grop e los nostes albums. Que ns'an demandat de'us signar. Que coneishèvan las cançons. Qu'ei estat incredible ! " Nos : " Etz estat despaïsats ? " B.L : " Quiò, coma l'èi dit, hèra despaïsats per la reaccion deus tipes deu Japon. " Nos : " Perqué aver causit de har petar la cantèra a Tokyo ? " B.L : " Qu'ei quauquarren qui arriba quan èm ataulats e qu'avem un chic pintat. Qu'èm estat convidats peus organizators deus concèrts au restaurant dab tots los autes grops. Que i avèva los caps d'aficha e tot. E qu'avem cantat." Aurélien : Qu'ei çò que hètz coma espòrt ? B.L : Dança classica ! Ahaha ! Que hèi au rugbí a Riscla. En federala 3, en campionat nacionau. Qu'èm tres a har au rugbí, Adrian, Luca e jo ( respectivament lo bataire e guitariste deu grop )

Aurélien : " Alavetz qu'ei çò qu'ei lo vòste mestièr ? " B.L : " Que soi viticultor Nos : " D'on vos ei vienguda e d'on vos vien enqüèra uei, l'inspiracion ? "B.L : " Deu cèu ! Ahaha. De la nosta vita vitanta, de l'istòria e de las legendas de noste " Nos : " Perqué aver causit de cantar en lenga nosta ? " B.L : " N'ei pas estat ua causida. Que l'èi voluda apréner, pr'amor qu'ei bèra lenga e que cau la har víver e parlar-la. Nos : " Quau ei la vòsta relacion dab lo gascon ? Ei naturau tà vos d'ac parlar ? " B.L : " Tiò. " Nos : " Ei estat ua experiéncia de las agradivas d'anar tau Japon ? " B.L : " Tiò, hèra agradiu ! " Nos : " Etz estats susprès ? "

L'entervista que s'ei acabada aquiu, pr'amor qu'avèva de tornar tau son tribalh.

B.L : " Adishatz e mercés. Dinc a las purmèras ! " Nosauts + Professora : " Adishatz e mercés hèra ! "

" Pr'amor qu'ei ua bèra lenga "