Допусни зависносложени реченици

Допуснизависносложени реченици

Учебник стр.36

Да го прочитаме извадокот и да размислиме што е кажано со нагласените реченици:„Коста го отвори долапот и седна крај масичето да јаде, иако не беше гладен. Мислата го мачеше и не му се јадеше. Неколку пати се готвеше да рече нешто, ама не се решаваше, макар што маката го мачеше да направи нешто за својата болна мајка“. од „скап динар“ од Б. Бојаџиски

Нагласените реченици допуштаат да се извршат дејствата во главните реченици. поради тоа овој вид реченици се викаат допусни реченици. Со допусната дел - реченица се допушта одвивање на дејството во главната дел-реченица, сврзници:иако, покрај тоа што, макар што, при се што, и да, без оглед на тоа што...

Примери: Иако беше болен, тој дојде на тестот. И да не дојдеш, тие ќе одат. Кој и да ме покани, јас нема да одам. Што и да ми каже, јас не му верувам. Колку и да ме моли, не попуштам.

Допусните зависносложени реченици се поврзани со условните зависносложени реченици и со спротивните независносложени реченици. Со условните се поврзани на тој начин што зависната дел-реченица дава некој услов кој може да се исполни, или да не се знае дали ќе се исполни или не. Со спротивните реченици ги поврзува тоа што во главната се дава последица што е спротивна на дадениот услов во зависната дел-реченица. пример: Иако го поканивме, тој не дојде. (се очекува да дојде, но се случило спротивното) Правописно правило: Ако зависната реченица стои пред главната таа редовно се одделува со запирка, а ако стои по главната може да се оддели или да не се оддели со запирка

Вежби:

2. Подвлечи ја допусната дел-реченица: а) Иако не му помогна на брат ти, ќе одиш на игралиштето. б) И покрај тоа што учев, не се подготвив доволно. в)Дури и да завршам со обврските, нема да играм игри на компјутерот. г) И да знаев за проблемот, немаше да ти кажам

Вежби:

Дополни ги речениците со допусни реченици: - Дојдовме навреме. - Симе ќе научи. - Наставникот објаснуваше. - Ние ќе ти поверуваме.

Вежби:

Трансформирај ги следниве спротивни независносложени реченици во допусни зависносложени реченици: а) Тој сака да ме насмее, ама ме расплакува. б) Луѓето седат дома, но редовно ги следат најновите информации за вирусот. в) Брат ми го скрши филџанот, но помина лесно.

Ви благодарам на вниманието!