MITOLOXÍA ASTURIANA

Mitoloxía

empezar

Índice

qué ye

deprendi más

seres mitolóxicos

xeres

más seres

cantar mitolóxicu

QUÉ YE LA MITOLOXÍA

La mitoloxía asturiana ye’l conxuntu de mitos y creencies que formen parte de la cultura, la tradición y la historia d’Asturies. Esto ye, los cuentos, lleendes y personaxes nos que creyíen los nuesos antepasaos y que fueron tresmitiéndose de xeneración en xeneración hasta llegar a nós. L’orixe de les tradiciones y seres mitolóxicos asturianos remóntase a cientos ya incluso miles d’años atrás. Munchos d’ellos son d’orixe anterior a la llegada de los romanos y d’orixe paganu, esto ye, anteriores al cristianismu. De fechu compartimos munchos mitos cola Europa atlántica, con llugares como Galicia, Bretaña, Irlanda o Escocia, polo que parte de la nuesa mitoloxía puede tener un orixen celta.

SERES MITOLÓXICOS

La xana vive nos ríos y nes fontes. Cancia perbién y pasa los díes peñando'l so pelo llargo y roxo con un peñe d'oru y texiendo con filo doráu.

El cuélebre ye una culuebra descomanada con ales d'esperteyu qu'echa fueu pola bocona. Vive en cuévanos onde guarda milenta ayalgues. Curia de les xanes y come ganáu. "

El trasgu ye un duendu revoltosu. Viste casaca y gorru coloraos y por eso tamién lu nomen "Gorretín coloráu". Tien les oreyes picudes y un furacu na manzorga. Vive nes cases y según-y pete puede portase bien o tresmanar too.

Les serenes viven na mar. Cancian perbién, fechizando a los marineros y faciendo que pierdan el rumbu

El nuberu ye un home vieyu col pelo y la barba perllargos. Col so cayáu remana les tormentes, los llovios, el xarazu...Lleva sombreru prietu y viaxa enriba una nube

El papón llámase asina pola so gran papada y porque lo que más-y presta ye comer... sobre too neños llorones que nun durmen

Un cantar mitolóxicu

Marcha d'echase

Esti ye un cantar sobre los seres mitolóxicos pa que los más pequenos de la casa colen pa la cama. Ta interpretáu pola famosa Anabel Santiago.

DEPRENDI MÁS

SWAY MITOLÓXICU

Mira este sway y deprende más cosines sobre mitoloxía

XERES

CUÁNTO SABES DE MITOLOXÍA

Completa estes actividaes y amuesa que yes un superasturianu mitolóxicu...

¡Gracias!