Kolędy

Gòdë to czas spiéwaniô kòlãdów. Zaspiéwôjta kòlãda

„W stajeneczce narodzoné”

W stajeneczce narodzoné To Dzecã Bòżé. W żłóbkù na sanie złożoné, Chtëż Gò wspòmòże. Ref. Luli, luli, luli la – to Dzecã Bòżé, Luli, luli, luli la – chtëż Gò wspòmòże. Do stajenczi przëlecelë W niebiesczi bieli Co sã pierszi dowiedzelë z nieba anieli. Ref. Luli, luli, luli la – w niebiesczi bieli Luli, luli, luli la – z nieba anieli. A z dôleka trzej królowie za gwiôzdą jadą, złoté kòrónë na głowie i darë kładą. Ref. Luli, luli, luli la – za gwiôzdą jadą, Luli, luli, luli la – i darë kładą.

Antón Peplińsczi

Antoni Pepliński „Jezu, òstaw szopã”Jezu, òstaw szopã, słomã, sano w żłobie, przińdz do naszi chëczë, zaspiéwóma Tobie: Gloria! Gloria! Gloria! Zamiast żłobù dómë Tobie naju łóżkò, zamiast stôri słomë, pierzënã z pòdëszką. Gloria! Gloria! Gloria! Zamiast òsła z wòłã, chtërné tam mieszkają, dzôtczi staną wkòło i tej zaspiéwają: Gloria! Gloria! Gloria!

Pòj sa, żużkù, mój Jezëskù, Pòłożã Cã spac. Tu w tim kùmkù, tu na sanie, tu przë Mrózkù, tu przë scanie… Nie płacz le, nie płacz! Tej le, Mrózkù, tu w tim nórtkù, Przë mim Sënkù stój. Ùdżibôj sã nad kùmeczkã, na Jezëska chùchôj letkò, bë kwiôtk nie zmiôrzł mój! Cëchò leżkôj, mój òsełkù! Ters nié czas na trzôsk… Cëszkò niech téż mdze òwieczka, bò ju Grzenia sëpie w òczka mémù dzeckù piôsk…

Bernard Sychta „Żużónka”

Ta cëchô noc (Ha-Dwa-O!)

1.Òtulona cëszą sniwô biôłô noc Gwiôzda w blôskù łiska kùglom w tuńc Różnofarwné widë strojic chcą całi swiat Jakbë miałë krzëknąc: nie bùdzë nas! Ref. Niech ta cëchô noc W dniów tësące zamieni sã Niech ten Nowi Rok Zamieni sã w dzesątczi lat Niech całi swiat Zatrzimie sã w môlu gdze Nen magiczny czas zôs sparłãczi nas 2.Colemałé szaré sã w farwną zmienia chëcz Gòdów zôpôch w lëfce je ju czëc To je czas na miłosc, hewò nôdzeji czas Cud sã mòże zdarzëc w kòżdim z nas. Ref. Niech ta cëchô......

Kòmùs sã w niebie z wąpiora sëpie Aniołë z miotłą tuńcëją Zdrzijta! Wej, Jezësk wasążkã sënie! Józef z Mariją sã smieją… Michôł Archaniół przëniósł na szchaniach Dwa drachtë wòdë swiãcony Cherubinowie ju na kòlanach Czëszczą pòbòżno pòdłodżi… Nieba sprzątanié na przëwitanié Môłégò Bòga Nié czas na spanié, niebné mieszkanié Òdswiéżëc trzeba.. Òkna sã łiszczą, diôblë sã blészczą Na tã anielską robòtã Serafinowie pich z blónów wiszczą Pùcëją niebò dlô Bòga… Nieba sprzątanié… Wtim skrąca kònie z Familią Bòżą I lecą prosto na Zemiã Òdebrôł kùczer béł esemesa, Że jachac mô do Betlejem… Nieba sprzątanié na przëwitanié Môłégò Bòga… Jesz na Ce Jezë, Malinczi Panie Przińdze pòczekac…

z płyty pt. "W darënkù na Gòdë" muz. Weronika Korthals sł. Tomasz Fopke

Nieba sprzątanié

Antoni Pepliński „Czemù nie nad naszim mòrzã?” (sł. i mùz.) Malinczi Jezëskù, co leżisz w żłobie, kaszëbsczi lëdzëska czesc dają Tobie. Jezëskù, Jezëskù, Ceszimë sã, Kaszëbi, Jezëskù, kòchają Cã. Czemù Të, Jezëskù, nie zszedł do naju, czemù jes w cëzym sã narodzył kraju? Jezëskù, Jezëskù… Z dzurawi stajenczi, Të wiôldzi Bòże, przińdze lepi mieszkac nad naszé mòrze. Jezëskù, Jezëskù… Mdzëmë Cã, Jezëskù kòchalë baro, le òstaw szopã swą, pòj do naj zarô. Jezëskù, Jezëskù…

Play

„Kòlibiónka dlô Jezëska” Jerzy Stachurski

Wez Jezëskù, wez pòd główkã Kòlibiónczi tón Nie mdzesz, nie mdzesz na tim swiece Mój Jezëskù sóm Na wësoczim niebie gwiôzdë ju mrëgô widŻebë do Ce drodżi dzys nie zmilił nichtCëszenkò spiéwómë, spij słodkò, luli laNoc cemnô jak pierzëna òtuli Ce Wez Jezëskù, wez na nodżi Stréfle z wełnë dwie Bãdze Tobie, bãdze cepło Jak je w sercu Mie Na wësoczim niebie gwiôzdë ju mrëgô widŻebë do Ce drodżi dzys nie zmilił nicht Cëszenkò spiéwómë, spij słodkò, luli la Noc cemnô jak pierzëna òtuli Ce

„Królowie jadą” Królowie jadą z wiôlgą paradą, a skąd, skąd? Òd wschòdu słuńca, szukają kùńca zbawieniô swòjégò. Chtëż ò ti dobie zapłacze w żłobie, a chto, chto? Bóg w stajni òny, dzys narodzony lëdzóm sã pòkôzôł. Jesta hałasë, w tim nocnym czasu, wa czëlë? Bë szlë pastusze, słowù pòsłëszny, co rzeklë Anielë. Cëż to za gwiôzda. Królewskô jazda, wiéta wa? Trzech Magów jedze, Bóg sóm jich wiedze, do Emanuela. Madżi pòbòżny nie jidą próżny, a cëż më? Ni gãsë tłësté, le serce czësté i ti kąsk miłotë!