Carta de benvida

Carta de benvida

Ola nenos e nenas! Son a vosa profe. Estou moi contenta porque o día 10 de setembro volveremos á escola. Teño moitas ganas de volver a vervos e de seguir compartindo convosco novos retos e experiencias. É certo que tamén nos preocupa un pouquiño que a volta ao cole non sexa como outros cursos. Xa sabedes que este virus tan pesado aínda segue estando entre nós, polo que debemos aprender a coidarnos entre tod@s e a cumprir as novas normas do centro. Por ese motivo @s mestr@s estamos a traballar para preparar a entrada e facela máis fácil. Sabemos que contamos con toda a vosa axuda e colaboración. Pouco a pouco irémosvos explicando como aprender a coidarnos e as novas rutinas de centro que deberemos cumprir. Coma sempre, escoitaremos atentamente as vosas preocupacións e tentaremos buscar solucións. Tamén escoitaremos as vosas propostas e tentaremos levalas a cabo sempre que sexa posible. Moitos bicos e apertas!!!