CarlosVarelaPersonaxes

Carlos VarelaCEO En clave cultural

Profesional da xestión cultural e a educación

Cal é a túa actividade? Explícanos, en poucas palabras, a que te dedicas? Desenvolvo o proxecto En Clave Cultural, que se centra na xestión da cultura e en realizar proxectos e servizos onde os protagonistas son os cidadáns e cidadás. Facemos proxectos socioculturais, deseñamos servizos para o ámbito social e analizamos e propoñemos políticas innovadoras para o sector da cultura de proximidade.

Carlos VarelaCEO En clave cultural

Profesional da xestión cultural e a educación

Cando descubriches o teu xene emprendedor? Non houbo un momento concreto. Foi un proceso retroalimentado por un ambiente familiar de emprendedores, a responsabilidade en distintas organizacións sociais, a experiencia na Administración local e a colaboración con outros emprendedores e emprendedoras que ían á vangarda no meu sector. Foi un proceso de autodescubrimento que aínda continúa.

Carlos VarelaCEO En clave cultural

Profesional da xestión cultural e a educación

Que ten de especial quen emprende? Creo que o que temos é fe, moita fe. Somos uns auténticos crentes. Cremos en nós mesmos, nos nosos proxectos sempre en mellora, cremos no futuro, cremos nos nosos clientes. E logo non hai emprendedores que non sexa curiosos. Ou es curioso e perfeccionas o que fas para servir mellor ou non emprendes.

Carlos VarelaCEO En clave cultural

Profesional da xestión cultural e a educación

Ser galego axuda a emprender? A nosa recente historia di que os galegos e as galegas, como identidade diferenciadora, somos emprendedores, mais parece que o somos máis fóra ca dentro de Galicia.

Carlos VarelaCEO En clave cultural

Profesional da xestión cultural e a educación

Cóntanos os inicios da túa traxectoria emprendedora… Os inicios recentes, xa que houbo varios... É unha historia sinxela. Quedas no paro e só tes un recurso: o tempo. Eu dediqueino a reformular o proxecto de En Clave Cultural e a mellorar a miña formación específica e, sobre todo, empresarial. E nesa liña seguimos, mellorando constantemente e formándonos para poder facer as cousas mellor cada vez.

Carlos VarelaCEO En clave cultural

Profesional da xestión cultural e a educación

Recordas como pasaches da idea á empresa? Si. Foi tamén un proceso moi enriquecedor. O que fixen foi darlle moitas voltas ata definir ben a idea e logo funa contrastando con quen sabía máis ca min. Formarse e ser axudado foi a clave para arrancar.

Carlos VarelaCEO En clave cultural

Profesional da xestión cultural e a educación

Relátanos os tres principais momentos da túa traxectoria empresarial? 1.º: O descubrimento da miña vocación pedagóxica e social. 2.º: A aposta por emprender, cos riscos e sacrificios que leva facelo nun sector en permanente reinvención. 3.º: E traballar, traballar e traballar, pero buscándolle o lado divertido e positivo a tan grande esforzo.

Carlos VarelaCEO En clave cultural

Profesional da xestión cultural e a educación

E logo de toda esta viaxe, onde se atopa a túa empresa agora? Nestes primeiros anos, foi todo moi rápido e intenso. Estamos nun momento de redefinición previa ao seguinte paso, que é consolidarse nun mercado onde o intrusismo é un problema que incide directamente na calidade dos servizos e na comprensión que o mercado ten deste tipo de servizos. Estamos no bo camiño, pero non é nin rápido nin fácil.

Carlos VarelaCEO En clave cultural

Profesional da xestión cultural e a educación

Cales son, para ti, as claves da túa evolución empresarial? Non perder nunca o ánimo nin deixar que se perda no meu contorno, a formación permanente que permita innovar e desenvolver proxectos que xeren impactos reais a longo prazo, pero sobre todo unhas das principais claves son as necesidades e intereses dos nosos clientes, que tomamos como retos que debemos afrontar no seu beneficio.

Carlos VarelaCEO En clave cultural

Profesional da xestión cultural e a educación

Como axudou o galego a desenvolver a túa empresa? O galego e o uso da lingua é fundamental para comprendernos. Estamos convencidos de que o galego une en Galicia, únenos coa lusofonía e, por riba, o ser galego únenos coa América Latina. Mellor non hai! O galego na nosa empresa é algo natural.

Carlos VarelaCEO En clave cultural

Profesional da xestión cultural e a educación

E como pensas que che podería axudar a crecer máis? O importante é o que se fai co galego, o uso do galego e o que se pensa en galego. É a visión que a lingua nos dá do mundo a que nos permite pensar ese mundo coas nosas propias claves. Se o teu negocio se puidese resumir nunha palabra en galego, esta sería…? Innovación (In-nova-acción).

Carlos VarelaCEO En clave cultural

Profesional da xestión cultural e a educación

E nunha expresión…? Que expresión galega é habitual na túa empresa? Imos aló, como arranque de cada proxecto, con ilusión e ganas de dar o mellor en cada momento. Existe xerga en galego específica e apropiada para o teu sector? A xerga no ámbito da xestión cultural adoita ser moi técnica nuns niveis e moi común noutros. Os xestores culturais somos capaces de adaptarnos e de empregar a linguaxe en función do contexto

Carlos VarelaCEO En clave cultural

Profesional da xestión cultural e a educación

Estamos nun momento de incerteza no que #ACulturaNonPara. Pensas que poderemos saír reforzados desta crise sanitaria? A cultura como sector industrial si vai levar un forte parón, xusto nun momento no que se empezaba a crear unha conciencia de valor económico e empresarial. A cultura como necesidade da cidadanía vai dar solucións —unhas mellores ca outras— para saír da profunda crise económica que nos tocará vivir, e promoverá novos estilos de vida, de comercio, de relacións nas comunidades, de esixencia política...

Carlos VarelaCEO En clave cultural

Profesional da xestión cultural e a educación

Desta saímos se a cultura, e non as industrias da cultura de consumo, senón a Cultura con maiúsculas, é capaz no tempo máis breve posible de achegar solucións de calado que afecten as relacións sociais en comunidade. Una nova cultura para unha nova sociedade, penso que este é o reto. Ocórreseche algunha idea que nos axude a saír reforzados economicamente desta situación? Como profesional da educación cultural, debemos mudar o modelo da cultura do espectáculo e do ocio de consumo por unha

Carlos VarelaCEO En clave cultural

Profesional da xestión cultural e a educación

cultura que nos faga mellores persoas e membros activos da nosa comunidade. A estratexia para isto só é posible a través da educación. Como autónomo, deberiamos cambiar radicalmente o modelo de explotación que o Estado e as normativas reguladoras fan do noso traballo. É case imposible xestionar proxectos culturais pensados coas persoas se non se permite un alto grao de creatividade e de innovación social e o certo é que os clientes deste mercado —as administracións locais sobre todo— aínda son pouco permeables a arriscar.

Carlos VarelaCEO En clave cultural

Profesional da xestión cultural e a educación

A cultura local debe transcender dos espectáculos, que si son necesarios, máis estámonos encontrando de fronte coa realidade de que é necesario investir na creación e no fortalecemento dunha cidadanía que coopera ao servizo do ben común.