plantamos xudías

xudías

Aulas de 3º e 4º

A finais de Xaneiro, os nenos e nenas de 3º e 4º plantamos xudías. Primeiro, as profes compraron: as macetas, a terra, a vermiculita e as sementes de xudía amarela. Plantamos a variedade “ Marabilla de Venecia”.

como plantamos?

Botamos un pouco de terra na maceta, engadimos un pouco de compost, logo fixemos un burato na terra e metémoslle a semente. Despois, tapamos o burato, botámoslle vermiculita e regámolas.

Logo, subímolas á clase e coidámolas con auga, sol e cariño. Pasaron uns días e comezaron a nacer.

Logo, tivemos que poñer uns paus para que medraran dereitas.

Como os paus quedaban pequenos, as profes atáronlle un fíos colgados do teito.

As plantas íanse enrolando polo fío a medida que medraban.

Fóronlle saíndo follas verdes e flores entre rosas e violetas.

Co tempo, as flores foron secándose e saíron xudías pequeniñas.

As xudías foron medrando e cambiaron de cor verde a amarela.

Como xa estaban listas para recoller cortamos as xudías polo pecíolo e botámolas nunha caixa. Logo, puxémolas no frigorífico do comedor.

Así foi a nosa primeira recolleita. Preme nas imaxes para velas máis grandes.

Trouxemos da casa receitas das nosas familias. Escollemos a que máis nos gustou. En terceiro, foi a de Felipe.

Na clase de 4º a receita elexida foi a de Xabi.

Obradoiro de mates con xudías

O día antes de preparalas, a profe foi ao supermercado a comprar todo o que nos facía falta. En mates pesámolas, medímolas, debuxámolas… e resolvemos algúns problemas

Ao día seguinte cociñámolas e comémolas. Estaban riquísimas, exquisitas!!, tanto as de terceiro como as de cuarto.

Pero non rematamos aquí, porque despois puxémonos científicos/as...

moitas grazas!!

Alumnado de 3º e 4ºcurso 2018/19 SÍGUENOS EN...

http://abibliodeestrela.blogspot.com/

CEIPP ENRIQUE BARREIRO PIÑEIRO