GIZARTE LH 6

Arloa: Gizarte zientziakGaia: Afrika Maila: LH 6.maila Saioak: Aste bete, 5 saio Proposamenaren justifikazioa: Ikasgelan ikaskide afrikar bat daukagu nahiz eta hemen hazia izan. Arazo- egoera: Testuingurua: 20 ikasleko taldea daukagu non horietako bat, aurretik aipatu bezala afrikar jatorrikoa den. Arazoa: Zer ezagutzen duzue Afrikaren inguruan? Helburua: Gainerako ikaskideak mutiko afrikar honen errealitate eta jatorrira gerturatzea, berarekin enpatizatu eta Euskal Herritik haratago, mundua ezagutzea. Eginkizuna: Jarduera desberdinak burutuz, kultura afrikarrean murgiltzea.

Maider Etxeberria, Amaia Etxeberria, Ainhoa Garate eta Uxue Ganuza.

Oinarrizko konpetentziak: Zeharkakoak: -Informazioa bilatzea, aukeratzea eta erregistratzea, zenbait iturri (idatzizkoak, ahozkoak, ikus‐entzunezkoak, digitalak...) erabiliz. -Informazioa interpretatzea eta ebaluatzea (pentsamendu kritikoa). Ideiak sortzea eta aukeratzea (pentsamendu sortzailea). -Baliabide kognitiboak modu estrategikoan erabiltzea, ikasitakoak beste egoera batzuetara mobilizatuz eta transferituz. -Ahoz nahiz idatziz komunikatzen jakitea, eta, horretan, txukun, modu autonomoan, sormenez eta eraginkortasunez aritzea. -Zereginak diseinatu eta planifikatzean, informazioa kudeatzean, produkzio digitalak sortzea, elkarlanean aritzean eta besteei emaitzen berri ematean, IKTak modu egoki, eraginkor eta arduratsuan erabiltzea. -Ideiak eta konponbideak sortzea, eta errealitatea hobetzeko proposamenak egitea, eta horretan, espiritu kritikoa izatea eta solidaritatea eta gizarte erantzukizuna aintzat hartzea.

Diziplina- konpetentziak: -Nork bere burua, norbera kide deneko taldea eta bizi deneko mundua ulertzea, era horretan, gizarte‐zientzien ezaguerak, metodologiak eta prozedurak kritikoki interpretatu eta erabiltzea; bizitzako zenbait egoeratan gizalegez jokatzea, gizarte demokratiko eta anitza lortzearen alde. -Ezaugarri bereizgarriak dituzten gizarte eta kultura taldeetako kide direla ohartzea eta balioestea, norberaren kultura-ezaugarri bereizgarriak eta beste talde batzuekiko desberdintasunak aintzat hartzea, eta gainerako identitate, kultura eta herriekiko errespetua izatea eta giza eskubideak errespetatzea ezinbestekoa dela ohartzea. Horren guztiaren helburua da hezkuntzan kulturen arteko dimentsioa sustatzea da.

-Talde-lanean jardutea, arduraz, elkarlanean, elkartasunez eta modu konstruktiboan. Lan horretan, funtzionamendu demokratikoaren oinarrizko printzipioak aplikatu, lan komunarekiko ardura garatzen joan, eta norberaren eta besteen ekarpenak adostutako helburuaren arabera baloratuko dira, komunitateari elkartasunez ekarpenak egiteko, inolako bazterkeriarik gabe (generoa,arraza, kultura, erlijioa...) -Gatazkak izan badirela jakitea, eta eztabaidetan eta mahai-inguruetan jarrera konstruktibo, kritiko eta tolerantez parte hartzea, eta ikustea elkarrizketa eta desadostasunak izatea ezinbesteko baliabideak direla gizakien eta gizarteen arazoei konponbidea emateko, elkarbizitza ona lortzeko eta intolerantziarik eta tratu txarrik egon ez dadin lortzeko.

Konpetentzia digitala: - Iturri desberdinetatik jasotako informazioa ulertu eta filtro batetik pasatzea, hau da, interesgarria eta fidagarria den horrekin geratzea. - Informazio hori tresna edo aplikazio desberdinen bidez, eraldatu eta jendaurrean aurkezteko gai izatea. - Jasotako informazioa modu praktikoan erabiltzea, gertutasuna eta errealitatearekin lotzeko.

Helburu didaktikoa: Afrikako inguru kulturala ezagutzea eta gurearekin alderatzea. Jardueren sekuentzia: 1. Saioa: Zer dakizue Afrikaren inguruan? Non dago? Ideia zaparrada. Maparen jolasa, kontinenteak kokatzeko. Non gaude gu? 2. Saioa: Taldeka ( 4 talde) gai baten inguruko informazioa bilatu (orokorra, ez da beharrezkoa oso zehatza izatea) eta aurkezpen labur batean islatu. (Janaria eta hizkuntza, musika eta dantza, janzkera eta tribuak, ingurua eta klima) 3. Saioa: Aurkezpenak egin. Ondoren, hiztegia lantzeko kruzigrama. 4. Saioa: Ikasitakoa indartzeko Kahoot bat egin. Ondoren, ikaslearen gurasoak beraien esperientzia eta ohituren inguruan hitz egitera etorriko dira. 5. Saioa: Ikasitakoaren inguruan erreflexionatzea. Afrika eta gure arteko desberdintasunak eta berdintasunak aurkitzea. Gaiaren inguruan taldean hitz egin.

Ebaluazioa: Adierazleak: - Talde laneko jarrera eta errespetua, parte hartzea. - Informazioa eskuratzerako garaian kritikotasuna eta talde nortasuna. - Hizkuntzaren eta ortografiaren erabilera egokia - Aurkezterako garaian ahozko azalpena eta jendaurrean duten jarrera. Tresnak: - Egindako aurkezpena (power point, prezi …) - Gaiaren inguruko hausnarketa librea, idatziz. - Kahooten izandako emaitzak ere baloratuko dira (lehenengo bostak positiboa izango dute) Baliabideak (digitalak eta ez digitalak): -Wix, kahoot, mapa interaktiboen jokoa…

ESKERRIK ASKO!